ვანო შადური

დაბადების ადგილი: დაბა ყაზბეგი.

დაამთავრა ლენინგრადის უნივერსიტეტის ფილოლოგიის ფაკულტეტი და ასპირანტურა.

ლიტერატურული მოღვაწეობა დაიწყო 1930 წლიდან, როდესაც ჟურნალ "დროშაში" გამოქვეყნდა მისი პირველი მოთხრობა "მრისხანე მთა". მას შემდეგ მისი ლიტერატურული კრიტიკული წერილები, სტატიები, მონოგრაფიები სისტემატურად ქვეყნდებოდა ლიტერატურულ და სამეცნიერო პერიოდიკაში. იკვლევდა რუსულ ლიტერატურას "გრიბოედოვი და ქართული კულტურა", "ნიკოლოზ გოგოლი", "რუსი მწერლები საქართველოზე", "ბესარიონ ბელინსკი", "ქართველი მწერლები რუსეთის შესახებ", "პუშკინი და ქართელი საზოგადოებრიობა". იყო თანაავტორი ქართულ ენაზე გამოცემული "რუსული ლიტერატურის ისტორიის" სამტომეულისა, ასევე მრავალი კრებულის შემდგენელი და წინასიტყვაობის ავტორი. წლების მანძილზე მუშაობდა თბილისის სახელმწიფო უნივერსიტეტის რუსული ლიტერატურის ისტორიის კათედრის გამგედ, გაზეთ "პრავდის" საკუთარ კორესპონდენტად საქართველოში, არჩეული იყო სსრკ უმაღლესი და საშუალო სპეციალური განათლების სამინისტროს ლიტერატურათმცოდნეობის სექციის, სსრკ განათლების სამინისტროს სამეცნიერო-მეთოდური საბჭოს პრეზიდიუმის, სსრკ მეცნიერებთა აკადემიის პუშკინის კომისიის წევრად, ქართული საბჭოთა ენციკლოპედიის სსრკ ხალხთა ლიტერატურის სექციის თავმჯდომარედ. 1941 წელს მონოგრაფიისათვის "რუსულ-ქართულ ლიტერატურულ ურთიერთობათა ისტორიისათვის" მიენიჭა ფილოლოგიურ მეცნიერებათა კანდიდატის წოდება, ხოლო 1955 წელს მონოგრაფიისათვის "დეკაბრისტული ლიტერატურა და საქართველო" ფილოლოგიურ მეცნიერებათა დოტორის წოდება. ფილოლოგიის მეცნიერებათა დოქტორი, პროფესორი.

წყარო: ვანო შადური : [კრიტიკოსის გარდაცვალების გამო] // ლიტერატურული საქართველო. - თბილისი, 1988. - 23 დეკემბერი. - გვ.16

• საქართველოს მეცნიერებიათა დამსახურებული მოღვაწე

• ილია ჭავჭავაძე და რუსული კულტურა (ავტორი). - თბილისი, თბილ. უნ-ტის გამ-ბა, 1987. - 175გვ.
• ალექსანდრე ყაზბეგი : ბიობიბლიოგრაფია (ავტორი). - თბილისი, თბილ. უნ-ტის გამ-ბა, 1987. - 162გვ.
• მასალები ალექსანდრე ყაზბეგის ბიოგრაფიისათვის : (ყაზბეგის საგვარეულოს მოღვაწენი) (ავტორი). - თბილისი, თბილ. უნ-ტის გამ-ბა, 1985. - 91გვ.
• პირველი რუსული რომანები კავკასიასა და საქართველოზე (ავტორი). - თბილისი, საბჭოთა საქართველო, 1966. - 178გვ.
• ქართველი მწერლები რუსეთის შესახებ (ავტორი). - თბილისი, საბჭოთა საქართველო, 1962. - 519გვ.