ნინო ასათიანი

დაბადების ადგილი: ქ. ბათუმი.

დაამთავრა თბილისის სახელმწიფო უნივერსიტეტის ქიმიის ფაკულტეტი მაღალმოლეკულურ ნაერთთა ქიმიის სპეციალობით 1974 წელს.

1973-1977წწ. იყო ელეფთერ ანდრონიკაშვილის სახელობის ფიზიკის ინსტიტუტის უფროსი ტექნიკოსი; 1977-1978წწ.  სტაჟორ-მკვლევარი; 1978-1979წწ. მოსკოვის მოლეკულური ბიოლოგიის ინსტიტუტის სტაჟორ-მკვლევარი; 1983-1984წწ. სანქტ-პეტერბურგის ციტოლოგიის ინსტიტიტის მკვლევარი; 1979-1986წწ. ელეფთერ ანდრონიკაშვილის სახელობის ფიზიკის ინსტიტუტის უმცროსი მეცნიერ-თანამშრომელი; 1986-1994წწ. მეცნიერ-თანამშრომელი; 1994 წლიდან იყო თბილისის სახელმწიფო უნივერსიტეტის ე. ანდრონიკაშვილის სახელობის ფიზიკის ინსტიტუტის ბიოლოგიური სისტემების ფიზიკის განყოფილების უფროსი მეცნიერ-თანამშრომელი; გარემოს დაცვითი ბიოტექნოლოგიის ცენტრის, ე. ო. ლოურენს ბერკლის ეროვნული ლაბორატორიის, ციკლოტრონის გზა 1 თანამშრომელი (აშშ, ბერკლი, კალიფორნია, 94720, 2002); ნინო ასათიანი შეტანილია საერთაშორისო ენციკლოპედიაში "ვინ ვინ არის მედიცინასა და ჯანდაცვაში"; 2007-2008წწ. თბილისის სახელმწიფო უნივერსიტეტის ზუსტი და საბუნებისმეტყველო მეცნიერებათა ფაკულტეტზე კითხულობდა მოლეკულური უჯრედული ბიოლოგიის სამაგისტრო ლექციების კურსს; "ბიოჩიპების ტექნოლოგიის თანამედროვე მიღწევების" სალექციო კურსს პორტსმუთის უნივერსიტეტის ფარმაციისა და ბიოსამედიცინო მეცნიერების სკოლის დოქტორანტებისთვის (დიდი ბრიტანეთი, 9-13 ივნისი, საზაფხულო სკოლა, 2014); ასევე 2006-2008წწ. იყო მასობრივი განადგურების (ქიმიური იარაღი) გაუვრცელებლობის საერთაშორისო კონტროლის პროგრამის ინსტრუქტორი (აშშ, DOE); მონაწილეობდა საერთაშორისო და ადგილობრივ გრანტებში, პროექტებში; ნ. ასათიანის კვლევების შედეგები პრეზენტაციების სახით წარდგენილია 27 საერთაშორისო კონფერენციაზე; გამოქვეყნებული აქვს სულ 75 სტატია მაღალრეიტინგულ სამეცნიერო ჟურნალში. ბიოლოგიურ მეცნიერებათა კანდიდატი (1985), აკადემიური დოქტორი, ბიოქიმიკოსი.

წყარო: თბილისის სახელმწიფო უნივერსიტეტი: encyclopedia.tsu.ge