ანტონ ლომოური

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1943 წელს.

1943-1944წწ. იყო ქ. თბილისის ევაკოჰოსპიტლის ექიმი-ორდინატორი; 1944-1946წწ. თბილისის სახელმწიფო სამედიცინო ინსტიტუტის ჰოსპიტალური თერაპიის კლინიკის ექიმი-ორდინატორი; 1946-1956წწ. კლინიკური და ექსპერიმენტული კარდიოლოგიის სამეცნიერო-კვლევითი ინსტიტუტის კლინიკური განყოფილების უმცროსო მეცნიერ-თანამშრომელი; 1956-1967წწ. ამავე ინსტიტუტის უფროსი მეცნიერ-თანამშრომელი; 1967-1977წწ. აკადემიკოს მიხ. წინამძღვრიშვილის სახელობის კლინიკური და ექსპერიმენტული კარდიოლოგის სამეცნიერო-კვლევითი ინსტიტუტის გულის ქრონიკული იშემიური დაავადების განყოფილების უფროსი. იგი 100 სამეცნიერო ნაშრომის ავტორია. ნაშრომები ეძღვნება გულ-სისხლძარღვთა დაავადების აქტუალურ საკითხებს, რომლებიც იბეჭდებოდა კარდიოლოგიის ინსტიტუტის შრომათა კრებულებში და სხვადასხვა სამედიცინო ჟურნალებში. იგი მონაწილეობდა სამეცნიერო კონგრესების, ყრილობების, კონფერენციების და სესიების მუშაობაში (ქალაქები: პრაღა, მოსკოვი, ლენინგრადი, ნოვოროსიისკი, ბაქო, ერევანი). დაჯილდოებული იყო მადლობებითა და სიგელებით. ექიმი-კარდიოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "მასალები კაპილარების განვლადობის, პლაზმის ცილებისა და ნარჩენი აზოტის მდგომარეობის შესახებ ჰიპერტონიული დაავადების დროს", დაიცვა 1955 წელს.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.759-761

• აკადემიკოს მ. წინამძღვრიშვილის სახელობის კლინიკური და ექსპერიმენტული კარდიოლოგიის სამეცნიერო-კვლევითი ინსტიტუტის სამეცნიერო საბჭო, წევრი
• საქართველოს კარდიოლოგთა საზოგადოება, წევრი
• ქ. თბილისის კარდიოლოგთა საზოგადოება, წევრი