ნელი ბაგრატიონი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ბიოლოგიის ფაკულტეტი მცენარეთა ფიზიოლოგიის სპეციალობით 1969 წელს.

1969 წელს დაინიშნა თბილისის სახელმწიფო უნივერსიტეტის მცენარეთა ანატომიისა და ფიზიოლოგიის კათედრის ლაბორანტად; 1971 წელს ამავე კათედრის უფროს ლაბორანტად. საკანდიდატო დისერტაციაზე მუშაობდა ქ. კიევის ბოტანიკის ინსტიტუტში, შემდგომ მოსკოვის კ. ა. ტიმირიაზევის სახელობის მცენარეთა ფიზიოლოგიის საკავშირო ინსტიტუტში; დისერტაციის ძირითადი ნაწილი შესრულდა თბილისის სახელმწიფო უნივერსიტეტის მცენარეთა ფიზიოლოგიის კათედრაზე; 1986-2006წწ. მუშაობდა თბილისის სახელმწიფო უნივერსიტეტის მცენარეთა ანატმიისა და ფიზიოლოგიის კათედრის დოცენტის თანამდებობაზე. თბილისის სახელმწიფო უნივერსიტეტში მიჰყავდა სალექციო და პრაქტიკული კურსები მცენარეთა ზრდა-განვითარებისა და ჰორმონული რეგულაციის მიმართულებით; უძღვებოდა მცენარეთა ფიზიოლოგიის სპეციალიზაციის სტუდენტთა საკვალიფიკაციო პრაქტიკებს (ანასეული, ქ. კიევის ბოტანიკის ინსტიტუტი); ხელმძღვანელობდა სტუდენტთა სადიპლომო ნაშრომებს. არის 30 სამეცნიერო სტატიის ავტორი; მისი პუბლიკაციები გამოქვეყნებულია საქართველოს მეცნიერებათა აკადემიისა და რუსეთის მცენარეთა ფიზიოლოგიურ ჟურნალებში, ქ. კიშინიოვის მცენარეთა ზრდისა და მისი რეგულაციისადმი მიძღვნილ კრებულში (1985), თბილისის სახელმწიფო უნივერსიტეტის შრომებში; მონაწილეობდა სამეცნიერო კონფერენციებში; 1976 წლიდან იყო საზოგადოება "ცოდნის" პასუხისმგებელი მდივანი; 2004-2007წწ. მ. სააკაშვილის სახელობის "მედიცინის ისტორიისა და ზოგადი თეორიის სამეცნიერო საზოგადოების" გამგეობის წევრი და პროექტის მონაწილე; მცენარეთა ფიზიოლოგი, ბიოლოგიის მეცნიერებათა კანდიდატი (1984) ბიოლოგიის აკადემიური დოქტორი.

საკანდიდატო დისერტაციის თემა - "ზრდის ბუნებრივი რეგულატორები მაღალმოზარდი და დაბალმოზარდი სიმინდის ონტოგენეზში", დაიცვა 1984 წელს.

წყარო: თბილისის სახელმწიფო უნივერსიტეტი: encyclopedia.tsu.ge