ომარ ქაჯაია

დაბადების ადგილი: ქ. სოხუმი.

დაამთავრა თბილისის პოლიტექნიკური ინსტიტუტის ავტომატიკისა და ტელემექანიკის ფაკულტეტი 1965 წელს.

მუშაობდა თბილისისა და სოხუმის სხვადასხვა დაწესებულებაში. აფხაზეთში მიმდინარე საომარი მოქმედებების დროს ჩაირიცხა მოხალისეთა ბატალიონ "ცხუმში", იყო ბატალიონის კადრების სამსახურის უფროსი. ომის დამთავრების ბოლო დღემდე პირნათლად ასრულებდა ბატალიონის ხელმძღვანელობის ყველა დავალებას. მთელი ომის პერიოდში მასთან ერთად სოხუმში იბრძოდა მისი უმცროსი ვაჟი, 21 წლის ბაგრატი, რომელიც 1993 წლის 27 სექტემბრს დაიღუპა, ომარ ქაჯაიამ კი ხელყუმბარით თავი აიფეთქა. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.421-422