კონსტანტინე ხმალაძე

დაამთავრა თბილისის სახელმწიფო უნივერსიტეტის ეკონომიკის ფაკულტეტი ეკონომისტის კვალიფიკაციით 1972 წელს; მ. ვ. ლომონოცოვის სახელობის მოსკოვის სახელმწიფო უნივერსიტეტის ასპირანტურა 1980 წელს.

1972-2006წწ. საქართველოს ეკონომიკური განვითარების სამინისტრო, ეკონომიკის სამეცნიერო-კვლევითი ინსტიტუტი, უფროსი ლაბორანტი, უმცროსი მეცნიერ-თანამშრომელი, უფროსი მეცნიერ-თანამშრომელი, განყოფილების გამგე, წამყვანი მეცნიერ-თანამშრომელი; 2006 წლიდან მუშაობს საქართველოს ტექნიკურ უნივერსიტეტში: 2006-2009წწ. საინჟინრო ინოვაციური და საპროექტო მენეჯმენტის კათედრა, თბო და ჰიდროენერგეტიკის დეპარტამენტი, ასოცირებული პროფესორი; 2009 წლიდან ენერგეტიკისა და ტელეკომუნიკაციის ფაკულტეტი, თბო და ჰიდროენერგეტიკის დეპარტამენტი, საწარმოო ინოვაციებისა და ოპერაციათა მენეჯმენტის დეპარტამენტი, ასოცირებული პროფესორი. მისი კვლევის ობიექტია: საქართველოს ეკონომიკის ევროკავშირში ინტეგრაციის პრობლემები; მეწარმეობის განვითარების სტიმულირების ფორმები და მექანიზმები; ეკონომიკის მდგრადი და დაბალანსებული განვითარება; მმართველობითი სისტემის დეცენტრალიზაცია და ტერიტორიული /ადგილობრივი/ თვითმმართველობის განვითარება. 70-ზე მეტი სამეცნიერო ნაშრომის ავტორი /თანაავტორი. ეკონომიკის აკადემიური დოქტორი (2006), პროფესორი (2006).

წყარო: საქართველოს ტექნიკური უნივერსიტეტის ენერგეტიკის ფაკულტეტის ვებგვერდი: my.gtu.ge