რუსუდან ბერაძე-მესხია

დაბადების ადგილი: სოფელი ბარი, ონის რაიონი.

დაამთავრა თბილისის სახელმწიფო უნივერსიტეტის მექანიკა- მათემატიკის ფაკულტეტი 1974 წელს; ასპირანტურა მათემატიკური ანალიზის მიმართულებით 1978 წელს.

1978-1994წწ. იყო მექანიკა-მათემატიკის ფაკულტეტის მათემატიკური ანალიზისა და ზოგადი მათემატიკის კათედრის მასწავლებელი საათობრივი ანაზღაურების წესით; 1983-1995წწ. ზოგადი მათემატიკის კათედრის უფროსი ლაბორანტი; 1996- 2006წწ. დოცენტი; 2006-2008წწ. ზუსტ და საბუნებისმეტყველო მეცნიერებათა ფაკულტეტის მოწვეული პედაგოგი; 2009 წლიდან არის თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტის მათემატიკური ანალიზის კათედრის ასისტენტ პროფესორი. მისი სამეცნიერო თემატიკაა: ფურიეს მწკრივების აბსოლუტური კრებადობის საკითხები. შესწავლილი აქვს ფურიეს ტრიგონომეტრიული და ჰაარის მწკრივებისთვის განზოგადებული აბსოლუტური კრებადობის პირობები. თბილისის სახელმწიფო უნივერსიტეტის დოცენტი (1996), ფიზიკა- მათემატიკის მეცნიერებათა კანდიდატი (1995). 

წყარო: თბილისის სახელმწიფო უნივერსიტეტი: encyclopedia.tsu.ge