ვაჟა ბერეჟიანი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკა–მათემატიკის ფაკულტეტი ფიზიკის სპეციალობით 1975 წელს.

1979 წლამდე მუშაობდა საქართველოს მეცნიერებათა აკადემიის აბასთუმნის ასტროფიზიკური ობსერვატორიის საქალაქო ლაბორატორიაში. 1981 წლიდან მუშაობდა ე. ანდრონიკაშვილის ფიზიკის ინსტიტუტში უმცროს, უფროს, მთავარ მეცნიერ თანამშრომლად და განყოფილების გამგედ. 2010-2011წწ. იყო თბილისის სახელმწიფო უნივერსიტეტის პროფესორი. 2011 წლიდან თავისუფალი უნივერსიტეტის პროფესორი და ფიზიკის სკოლის დეკანი. სხვადასხვა წელს იმყოფებოდა ხანგრძლივ სამეცნიერო კვლევით მივლინებებში იტალიაში ტრიესტის თეორიული ფიზიკის ცენტრში, საფრანგეთში ანჟეს უნივერსიტეტში, ტეხასის ოსტინის უნივერსიტეტში, ბრიუსელის თავისუფალ უნივერსიტეტში და ტოკიოს უნივერსიტეტში. დაიცვა საკანდიდატო დისერტაცია (1983). ფიზიკა-მათემატიკის მეცნიერებათა დოქტორი (2004).

წყარო:  თბილისის სახელმწიფო უნივერსიტეტი: encyclopedia.tsu.ge

• ლაბორატორიული სამუშაოები ფიზიკაში : სახელმძღვანელო (რედაქტორი). - თბილისი, 2015. - 140გვ.. - ISBN: 9789941077067
• ზოგადსაგანმანათლებლო სისტემის დეცენტრალიზაცია : კრებული (თანაავტორი). - თბილისი, მწიგნობარი, 2013. - 182გვ.. - ISBN: 9789941050343