თეიმურაზ ბლიაძე

დაბადების ადგილი: ქ. ხაშური.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1970 წელს.

1975 წელს იყო თბილისის სახელმწიფო უნივერსიტეტის მ. ნოდიას სახელობის გეოფიზიკის ინსტიტუტის უმცროსი მეცნიერ–თანამშრომლი; უფროსი მეცნიერ–თანამშრომელი (2005); მთავარი მეცნიერ–თანამშრომელი (2021); ფიზიკა-მათემატიკის მეცნიერებათა კანდიდატი (2005), დაივა დისერტაცია თემაზე: "სეტყვის მარცვლების ზრდის პროცესის ექსპერიმენტული მოდელირება" (2005); მიენიჭა აკადემიური დოქტორის ხარისხი (2008); მონაწილეობა აქვს მიღებული საერთაშორისო სამეცნიერო კონფერენციებში და თანაავტორებთან ერთად გამოქვეყნებული აქვს სტატიები სამეცნიერო ჟურნალებში: "თბილისური სმოგი" და მასთან ბრძოლის საშუალებები" (თსუ მეცნიერება, 2012, N2), "ატმოსფერული პროცესების ექსპერიმენტული მოდელირება თსუ-ის მ. ნოდიას გეოფიზიკის ინსტიტუტის დიდ ღრუბლოვან კამერაში. წარსული, აწმყო, განვითარების პერსპექტივები" (საერთაშორისო სამეცნიერო კონფერენცია: კომპლექსური გეოფიზიკური მონიტორინგი საქართველოში: ისტორია, თანამედროვე პრობლემები, ქვეყნის მდგრადი განვითარების ხელშეწყობა. თბილისის სახელმწიფო უნივერსიტეტის შრომები, 2024), "ანგსტრომის ხანძრის ინდექსის შედარება ბაქოს (აზერბაიჯანი) და თბილისის (საქართველო) ტერიტორიისთვის" (1-ლი საერთაშორისო სამეცნიერო კონფერენცია: გეოფიზიკის თანამედროვე პრობლემები. თბილისის სახელმწიფო უნივერსიტეტის შრომები, 2025).

წყარო: თბილისის სახელმწიფო უნივერსიტეტი: encyclopedia.tsu.ge