თამარ ბჟალავა

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი, სპეციალობით ნახევარგამტარებისა და დიელექტრიკების ფიზიკა 1980 წელს.

1980-1983წწ. მუშაობდა მკვლევარად სამეცნიერო-კვლევით ინსტიტუტში და თბილისის სახელმწიფო უნივერსიტეტის ფიზიკის ფაკულტეტზე; 1986-1992წწ. საქართველოს ტექნიკურ უნივერსიტეტში, ზოგადი და რადიოფიზიკის კათედრაზე ასისტენტად; 1992-2006წწ. დოცენტის თანამდებობაზე; 2009-2013წწ. საინჟინრო ფიზიკის დეპარტამენტში ასისტენტ პროფესორად; 2013-2021წწ. ასოცირებული პროფესორად; 2021 წლიდან სრული პროფესორის თანამდებობებზე; 2018 წლიდან არის მაგისტრატურის "საინჟინრო ფიზიკის" ხელმძღვანელი; 2021 წლიდან სადოქტორო სადისერტაციო და მაგისტრატურის საბჭოების კოლეგიის წევრი; რეცენზენტი, არაერთი მაგისტრანტის ხელმძღვანელი; საქართველოს ტექნიკურ უნივერსიტეტში კითხულობს ზოგადი ფიზიკის, General Physics სასწავლო კურსებს სტუ-ს ფაკ-ტებზე, კომპიუტინგის, მოდელირების და სიმულაციის კურსებს ბაკალავრიატის, მაგისტრატურის, დოქტორანტურის პროგრამებში. ძირითადი სამეცნიერო ინტერესები: ემ ტალღათა თეორია, გამოყენებითი ელექტროდინამიკის ამოცანები, სპექტროსკოპია, ნანო / მიკრო და ბიონაწილაკების ფიზ. თვისებების კვლევები, ფიზ. პროცესების მოდელირება, კომპიუტერული სიმულაცია. არის 40-მდე სამეცნიერო სტატიის ავტორი: "მგორავი სფეროს მოძრაობის შენელების შესახებ" (თანაავტორი, 2008); "ნახევარგამტარული ხელსაწყოების დამზადების დიფუზიური და ეპიტაქსიალურ-დიფუზიური პროცესების შედარებითი დახასიათება" (2009); "Investigations of Spectroscopic Characteristics of Virus-Like Nanobioparticles"; "LMS Moodle-ის გამოყენება ცოდნის დონის შესაფასებლად ზოგად ფიზიკაში" (თანაავტორი, 2012);  "Study of Spectroscopic Properties of Nanosized Particles of Core-shell Morphology" (თანაავტორი, 2018). არის 10-ზე მეტი დამხმარე სახელმძღვანელოს ავტორი და თანაავტორი, 30-ზე მეტი ადგილობრივი და საერთაშორისო (რომი, მადრიდი, ათენი, პარიზი, ვენა, ფრანკფურტი, ანტალია და სხვა) კონფერენციის და ვორკშოპის მონაწილე, ადგილობრივი სამეცნიერო ღონისძიებების საორგანიზაციო კომიტეტების წევრი. თბილისის სახელმწიფო უნივერსიტეტის სპეციალიზებულ საბჭოზე მიენიჭა ფიზიკა-მათემატიკის მეცნიერებათა კანდიდატის სამეცნიერო ხარისხი, სპეციალობით "რადიოფიზიკა 1990 წელს, სადისერტაციო თემა: "ბრტყელი E- და H- პოლარიზებული ელექტრომაგნიტური ტალღების გაბნევა სხვადასხვა ელექტრული თვისებების მქონე ორ და სამ ცილინდრზე".

წყარო: თბილისის სახელმწიფო უნივერსიტეტი: encyclopedia.tsu.ge

• ზოგადი ფიზიკის მოკლე კურსი : მექანიკა, რხევები, ტალღები, მოლეკულური ფიზიკა) : დამხმ. სახელმძღვანელო (თანაავტორი). - თბილისი, 2013. - 79გვ.
• ფიზიკის ამოცანათა კრებული : მექანიკა, მოლეკულური ფიზიკა, თერმოდინამიკა, ელექტროსტატიკა, ელექტროდინამიკა (თანაავტორი). - თბილისი, ტექნიკური უნივერსიტეტი, 2011. - 191გვ.. - ISBN: 9789941200069
• ლაბორატორიული პრაქტიკუმი ნახევარგამტარი მასალების, ხელსაწყოებისა და ინტეგრალური მიკროსქემების ტექნოლოგიაში : სახელმძღვ. სტუდ. (თანაავტორი). - თბილისი, ტექნ. უნ-ტი, 2007. - 77გვ.. - ISBN: 9789994094929
• ბიონაწილაკთა სპექტროსკოპია (თანაავტორი). - თბილისი. - 244გვ.. - ISBN: 9789941097973