ვასილ ბრეგაძე

დაბადების ადგილი: ქ. თბილისი.

დაამთავრა მოსკოვის ფიზიკურ ტექნოლოგიური ინსტიტუტის რადიოტექნიკური ფაკულტეტი, სპეციალობით ბიოფიზიკა, (მოსკოვის ოლქი, ქ. დოლგოპრუდნი) 1964 წელს; ასპირანტურა, მოსკოვის ფიზიკურ ტექნოლოგიური ინსტიტუტის ქიმიური და მოლეკულური ფიზიკის ფაკულტეტი, სპეციალობით ბიოფიზიკა (მოსკ. ოლქი, ქ. დოლგოპრუდნი) 1968 წელს; 

1964–1968წწ. იყო უმცროსი მეცნიერ თანამშრომელი, სსრკ მეცნიერებათა აკადემიის ბიოფიზიკის ინსტიტუტი, (მოსკოვის ოლქი, ქ. პუსჩინო); 1968–1971წწ. უმცროსი მეცნიერ თანამშრომელი, საქართველოს მეცნიერებათა აკადემიის კიბერნეტიკის ინსტიტუტი (თბილისი); 1971–1986წწ. უფროსი მეცნიერ თანამშრომელი, საქართველოს მეცნიერებათა აკადემიის ფიზიკის ინსტიტუტი, ბიოპოლიმერების ფიზიკის განყოფილება; 1986–2006წწ. წამყვანი მეცნიერ თანამშრომელი, საქართველოს მეცნიერებათა აკადემიის ფიზიკის ინსტიტუტი, სპექტრალური გამოკვლევების განყოფილება; 2006–2009წწ. უფროსი მეცნიერი თანამშრომელი, ე. ანდრონიკაშვილის ფიზიკის ინსტიტუტი, ბირთვული, ფიზიკური და ოპტიკური მეთოდებით კვლევის განყოფილება; 2009-2024წწ. მთავარი მეცნიერ თანამშრომელი, ივ. ჯავახიშვილის სახელობის თბილისის სახელმწიფო უნივერსიტეტის ე. ანდრონიკაშვილის ფიზიკის ინსტიტუტი, ბიოლოგიური სისტემების ფიზიკის განყოფილება; 2024 წლიდან მთავარი მეცნიერი თანამშრომელი, ე. ანდრონიკაშვილის ფიზიკის ინსტიტუტი, ბიოლოგიური სისტემების ფიზიკის განყოფილება, ბიონანომოლეკულური ფიზიკის ლაბორატორიის გამგე. აქვს ლექციების კურსი თბილისის სახელმწიფო უნივერსიტეტში; 7 საკანდიდატო და სადოქტორო ნაშრომის ხელმძღვანელი; ინტერნაციონალურმა ბიოგრაფიულმა ცენტრმა აღიარა როგორც 2000–დან ერთ–ერთი ცნობილი მეცნიერი (ინგლისი, კემბრიჯი, 2009–2010). ის არის ამერიკული ქიმიური საზოგადოების, საერთაშორისო ეპრ საზოგადოების და ოპტიკური–საინჟინრო საზოგადოების წევრი. გამოქვეყნებული აქვს 130-ზე მეტი ნაშრომი, ძირითადად მაღალ რეიტინგულ სამეცნიერო ჟურნალებში, მიღებული აქვს 3 პატენტი. მას მონაწილეობა აქვს მიღებული  მრავალ საერთაშორისო და ადგილობრივ კონფერენციაში, იგი გამარჯვებულია 2  სამეცნიერო საგრანტო პროექტში და მონაწილეობა აქვს მიღებული 3 სამეცნიერო საგრანტო პროექტში, რომლებიც დაფინანსებული იყო შოთა რუსთაველის საქართველოს ეროვნული სამეცნიერო ფონდის მიერ. აქვს ციტირების ინდექსია 256 და h-ინდექსი 9. ფიზიკა-მათემატიკის მეცნიერებათა კანდიდატი სპეციალობით ბიოფიზიკა, სსრ კავშირის აკადემიის ბიოლოგიური ფიზიკის ინსტიტუტი (რუსეთი, ქ. პუსჩინო, 1970); ფიზიკა-მათემატიკის მეცნიერებათა დოქტორი, სპეციალობით ბიოფიზიკა მოსკოვის ლომონოსოვის სახ. სახელმწიფო უნივერსიტეტი (რუსეთი, ქ. მოსკოვი, 1989). ინჟინერ-ფიზიკოსი.

წყარო: თბილისის სახელმწიფო უნივერსიტეტი: encyclopedia.tsu.ge