გიორგი ბრეგვაძე

დაბადების ადგილი: ქ. საჩხერე.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ჰიდროლოგია-ჰიდროეკოლოგიის სპეციალობით 1997 წელს; მაგისტრანტის ხარისხი 1999 წელს. 

2005 წლიდან პედაგოგიური მოღვაწეობა დაიწყო თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტის ჰიდროლოგიის ოკეანოლოგიისა და მეტეოროლოგიის კათედრაზე; გამოქვეყნებული აქვს 40-მდე სამეცნიერო ნაშრომი, მათ შორის 1 მონოგრაფია და 3 სახელმძღვანელო. არის 15-მდე სამაგისტრო ნაშრომის ხელმძღვანელი; მონაწილეობა აქვს მიღებული ადგილობრივი და საერთაშორისო პროექტებში წყლის რესურსების მართვის, ტბებისა და წყალსაცავების ჰიდროლოგიის, ჰიდროსტიქიური მოვლენების შესწავლისა და ჰიდროინფორმატიკის მიმართულებით; 2025 წლიდან თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტის გეოგრაფიის დეპარტამენტის ხელმძღვანელი. ასისტენტ პროფესორი (2006), გეოგრაფიის დოქტორი (2016), ასოცირებული პროფესორი (2024), ჰიდროლოგი.

სადისერტაციო თემა - "წყალდიდობების რისკების შეფასება კლიმატის ცვლილების ფონზე", დაიცვა 2016 წელს.

წყარო: თბილისის სახელმწიფო უნივერსიტეტი: encyclopedia.tsu.ge

• ჰიდრომეტრია : სახელმძღვანელო (თანაავტორი). - თბილისი, თბილ. უნ-ტის გამ-ბა, 2014. - 179გვ.
• ზოგადი ოკეანოლოგია : ზღვებისა და ოკეანეების ჰიდროლოგია (თანაავტორი) // ნაწ. 1. - თბილისი, თბილისის სახ. უნ-ტის გამ-ბა, 2013. - 212გვ.. - ISBN: 9789941132704
• ზოგადი ჰიდროლოგია : ხმელეთის წყლების ჰიდროლოგია : სახელმძღვანელო (თანაავტორი). - თბილისი, თბილისის სახ. უნ-ტის გამ-ბა, 2011. - 222გვ.. - ISBN: 9789941132254
• ჰიდროლოგიური მახასიათებლების განსაზღვრის მეთოდები : მონოგრაფია (თანაავტორი). - თბილისი, უნივერსალი, 2009. - 120გვ.. - ISBN: 9789941126581