გრიგოლ ყარსიმაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი.

სამხედრო სამსახური ლვოვში მოიხადა. სამაგალითო ჯარისკაცმა მთავრობის ჯილდოებიც ჩამოიტანა. მისი სამხედრო სამსახურში ყოფნის დროს მოხდა ჩერნობილის ცნობილი ტრაგედია. მონაწილეობდა იქ ჩატარებულ სამუშაოებში. 1992 წლის ნოემბრიდან მსახურობდა საქართველოს ეროვნული გვარდიის სატანკო მექანიზებულ დივიზიაში ოცეულის მეთაურის თანამდებობაზე. მონაწილეობას იღებდა საქართველოს ტერიტორიული მთლიანობისთვის ბრძოლაში აფხაზეთის რეგიონში. უფროსი ლეიტენანტი, სადაზვერვო ოცეულის მეთაური გრიგოლ (გია) ყარსიმაშვილი დაიღუპა სოფელ ბესლახუბაში, ბრძოლის წინა ხაზზე ყოფნის დროს 1993 წლის 26 თებერვალს. საქართველოს სახელმწიფო მეთაურის 1993 წლის 31 მაისის ბრძანებულებით დაჯილდოვდა ღირსების ორდენით. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.432-433

• 1993 - ღირსების ორდენი