ქრისტეფორე რაჭველიშვილი

დაბადების ადგილი: სოფელი სხვავა, ამბროლაურის რაიონი.

დაამთავრა თბილისის სათავადაზნაურო გიმნაზია 1913 წელს და სწავლა განაგრძო ხარკოვის უნივერსიტეტში, მაგრამ სტუდენტთა მანიფესტაციაში მონაწილეობისათვის გარიცხეს და დააპატიმრეს, შემდეგ კი გაგზავნეს თავისუფალ გადასახლებაში; 1917 წელს დაამთავრა ოდესის უნივერსიტეტის ისტორია-ფილოლოგიის ფაკულტეტი და დაბრუნდა სამშობლოში.

საქართველოს დამოუკიდებლობის გამოცხადების 1918 წლის 26 მაისის აქტის ერთ-ერთი ხელმომწერი; მონაწილეობდა აფხაზეთში ეროვნული საბჭოს მიერ გაგზავნილ სპეციალურ დელეგაციაში; საქართველოს გასაბჭოების შემდეგ (1921) იყო ბოლშევიკური რეჟიმის ოპოზიციაში, მემარჯვენე ფედერალისტთა იატაკქვეშა ორგანიზაციის წევრი; 1923-1924წწ. დაპატიმრებული იყო. შემდეგ პოლიტიკას ჩამოშორდა და ეწეოდა სამეცნიერო-პუბლიცისტურ მოღვაწეობას. სხვადასხვა დროს მუშაობდა სახელგამში, ჟურნალ "ლიტერატურული მემკვიდრეობის" რედაქციაში, "ქართული სიტყვიერების საუნჯის" კოლეგიის წევრად, ენობრივი ნორმების დამდგენ სახელმწიფო კომისიაში. "რაჭველის" ფსევდონიმით სისტემატურად აქვეყნებდა სტატიებს გაზეთებში: "ცნობის ფურცელი" და "სახალხო საქმე". დახვრიტეს 1937 წელს. პოლიტიკური მოღვაწე. 

წყარო: ქართული საბჭოთა ენციკლოპედია: ტ.8.-თბ., 1984.-გვ.313; საქართველოს დემოკრატიული რესპუბლიკა (1918-1921) ენციკლოპედია-ლექსიკონი. თბ., 2018. -გვ.329-330: digitallibrary.tsu.ge

• საქართველოს ეროვნული საბჭო, წევრი (1917-1919)
• საქართველოს სოციალ-ფედერალისტური პარტია, წევრი

• ილია ჭავჭავაძე : ბიოგრაფ. ნარკვევი (ავტორი). - თბილისი, საქართველო, 1995. - 128გვ.
• ქართული სტამბის წიგნი : სტატისტიკურ-ისტორიული ნარკვევი (ავტორი). - ტფილისი, სახელგამი, 1934. - 148გვ.
• საქართველოს ფეოდალიზმის ისტორია (ავტორი). - ტფილისი, სახელგამი, 1926. - 152გვ.