პარმენ საბაშვილი

დაბადების ადგილი: სოფელი სახოშტარიო, აბაშა.

1905 წლიდან მუშაობდა ამიერკავკასიის რკინიგზის მთავარ სახელოსნოებში და აქტიურ მონაწილეობას იღებდა თბილისის პროლეტარიატის ბრძოლებში. 1909 წელს აირჩიეს თბილისის ბოლშევიკური კომიტეტის წევრად; იყო თბილისის არალეგალური ბოლშევიკიური სტამბის ერთ-ერთი ხელმძღვანელი, რის გამოც დააპატიმრეს; კატორღა რომ მოიხადა, 1915 წელს ირკუტსკში გადაასახლეს; 1917 წლის თებერვლის რევოლუციის შემდეგ თბილისში დაბრუნდა და განაგრძო რევოლუციური მოღვაწეობა. საქართველოში საბჭოთა ხელისუფლების გამარჯვების შემდეგ პასუხსაგებ თანამდებობაზე იყო. იყო სკკპ (ბ) ამიერკავკასიის სამხარეო კომიტეტისა და საქართველოს სსრ ცაკის წევრი. რევოლუციური მოძრაობის მოღვაწე საქართველოში. 

წყარო: საქართველოს პარლამენტის ეროვნული ბიბლიოთეკის ვებ-გვერდი: nplg.gov.ge; ქართული საბჭოთა ენციკლოპედია: ტ.8.-თბ., 1984.-გვ.547

• კომუნისტური პარტია, წევრი (1907-)

• შრომის წითელი დროშის ორდენი