დავით გოგია

დაბადების ადგილი: ქ. სამტრედია.

დაამთავრა საქართველოს პოლიტექნიკური ინსტიტუტის ქიმიის ფაკულტეტი 1977 წელს.

1967 წელს თამაშობდა გორის "დილაში"; მისი დებიუტი თბილისის დინამოში 1968 წლის 12 ნოემბერს შედგა: სსრკ-ს ჩემპიონატში, კუიბიშევის კრილია სოვეტოვთან 7:1 მოგებული შეხვედრის მიწურულს რამაზ ურუშაძის ნაცვლად ჩაერთო თამაშში. 1968-1969წწ. თბილისის "დინამოში"; 1970-1971წწ. ქუთაისის "ტორპედოში"; 1972-1980წწ. კვლავ თბილისის "დინამოში" თამაშობდა. კარიერა დაასრულა 1980 წელს ლანჩხუთის "გურიაში". იყო სსრკ ჩემპიონატის III ადგილის სამგზის (1972; 1976 - გაზაფხულისა და ზაფხულის) და II ადგილის (1977) მფლობელი; სსრკ ჩემპიონი (1978); სსრკ თასის ორგზის (1976; 1979) მფლობელი; უელვას (ესპანეთი) საერთაშორისო ტურნირის გამარჯვებული (1973). 1978 წელს სსრკ-ს პირველობის 33 საუკეთესო ფეხბურთელთა შორის პირველ ნომრად დაასახელეს.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.126; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.133

• 1999 - ღირსების ორდენი
  საქართველოში ფეხბურთის განვითარებასა და პოპულარიზაციაში შეტანილი პირადი დიდი წვლილისათვის, ახალგაზრდა სპორტსმენთა აღზრდაში მნიშვნელოვანი დამსახურებისათვის
• 1972 - სსრკ სპორტის დამსახურებული ოსტატი