ვარლამ რუხაძე

დაბადების ადგილი: სოფელი ქუტირი, წულუკიძის რაიონი (ახლანდელი ხონის მუნიციპალიტეტი).

ლექსებს ბეჭდავდა "კვალში", "მოამბეში", "თანამედროვე აზრში" და სხვა. აქტიურად მონაწილეობდა სალიტერატურო ცხოვრებაში. 1898-1899წწ. გამოაქვეყნა პირველი ლექსები, პირველი წიგნი "ლექსები და მოთხრობები", რომლებიც 1902 წელს აკრძალა ცენზურამ. მისი კრებულებია: "ცისკარი" (1904), "თაიგული" (1910), "ზღაპრები და არაკები" (1916), "ცხოვრების ყვავილები" (1919), "რჩეული ლექსები" (1931). წერდა საბავშვო თხზულებებს, ნათარგმნი აქვს ალექსანდრე პუშკინის პოემები. დამოუკიდებლობის პერიოდში ეწეოდა აქტიურ შემოქმედებით საქმიანობას. 1919 წელის 12 იანვარს გაზეთმა "ერთობამ" გამოაქვეყნა მისი ლექსი მისალმება (ჯარს და გვარდიას). მონაწილეობდა სახელმწიფო უნივერსიტეტის სტუდენტთა სალიტერატურო წრის თაოსნობით გამართულ ლიტერატურულ დილაში. მუშათა ცენტრალურ კლუბში, საზოგადო მოღვაწის და ქართველი მწერლის იასე რაჭველის ხსოვნის აღსანიშნავ საღამოზე "საღამო სოსიას ღელე" ლექსი წაიკითხა. მონაწილეობდა მეორე ქართულ კლუბში, სალიტერატურო-საკონცერტო საღამოში.

წყარო: საქართველოს დემოკრატიული რესპუბლიკა (1918-1921): ენციკლოპედია -ლექსიკონი. -თბ., 2018.-გვ.337; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.136

• აკადემიური მწერლობის კავშირი, წევრი

• რჩეული ლექსები (ავტორი). - ტფილისი, სახელგამის გა-მა, 1931. - 150გვ.
• ზღაპრები და არაკები (ავტორი). - ქუთაისი, ქართველთა შორის წერა-კითხვის გამავრცელებელი საზოგადოების ქუთაისის განყოფილების სტ., 1916. - 26გვ.
• თაიგული (ავტორი). - ბათუმი, გ.ს. თავართქილაძის სტ., 1910. - 86გვ.