შოთა ადამია

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის  გეოგრეფია–გეოლიგიის ფაკულტეტი 1956 წელს.

1953-1955წწ. იყო საქართველოს მეცნიერებათა აკადემიის ა. ჯანელიძის სახელობის გეოლოგიის ინსტიტუტის ასპირანტი; შემდგომ მეცნიერ თანამშრომელი; 1971-1976წწ. ამავე ინსტიტუტის  კომპლექსური  კვლევის განყოფილების ხელმძღვანელი; 1976-1988წწ. დირექტორის მოადგილე სამეცნიერო დარგში; 1988-1995წწ. დირექტორი; 1992 წლიდან საქართველოს რესპუბლიკის გარემოს დაცვის მინისტრი; 1991 წლიდან ეწეოდა პედაგოგიურ მოღვაწეობას თბილისის სახელმწიფო უნივერსიტეტში; მისი მეცნიერული ინტერესები მოიცავს გეოლოგიის, ასევე გეოფიზიკის პრობლემების ფართო წრეს; მის შრომებში ახლებურადაა გადაწყვეტილი საქართველოსა და კავკასკიის ალპურისწინა და ალპური წარმონაქმნების რეგიონული გეოლოგიის, სტრატიგრაფიის, პალეოგეოგრაფიის, ტექტონოლოგიის, პეტროლოგიის და სხვა საკითხები; ნაჩვენებია, რომ კავკასიონის გრანიტ–მეტამორფული კომპლექსები ძირითადად პალეოზოურია, ხოლო მათი ზეწრული აგებულება გვიანდელი ჰერცინული დანაოჭების შედეგია. ნეომობილიტურ იდეებზე დაყრდნობით კოლეგებთან ერთად გამოთქვა მოსაზრება კასპიისა და შავი ზღების ღრმულების რიფტულ წარმოშობაზე. გეოლოგია–მინერალოგიურ მეცნიერებათა დოქტორი (1969); პროფესორი (1991).

წყარო: საქართველო:ენციკლოპედია: ტ.1.-თბ.,1997.-გვ.48

• საქართველოს გეოლოგიური საზოგადოება , პრეზიდენტი (1991-)

• გეოტექტონიკა (თანაავტორი). - თბილისი, თბილ. უნ-ტის გამ-ბა, 2000. - -284გვ.
• მასალები კავკასიონის წინამთების გეოლოგიური აგებულების შესახებ მდ. პატარა ლიახვის აუზსა და ქ. დუშეთის მერიდიანს შუა (ავტორი). - თბილისი, საქ. სსრ მეცნ. აკად. გამ-ბა, , 1958. - 934გვ.