ნიკოლოზ აბაშიძე

დაბადების ადგილი: ქ. ხონი.

სწავლობდა ხონის გიმნაზიაში 1907–1917 წლებში. გიმნაზიის დამთავრების შემდეგ ჩააბარა ვარშავის პოლიტექნიკურ ინსტიტუტში სამედიცინო ფაკულტეტზე. დაამთავრა თბილისის სახელმწიფო უნივერსიტეტის სამკურნალო ფაკულტეტი 1924 წელს.

1926–1935 წლებში იყო ბათუმის შავი ჭირის საწინააღმდეგო სადგურის, რკინიგზის ლაბორატორიის და პორტის კარანტინის უფროსი, აჭარის მთავარ საავადმყოფოში ლაბორატორიის და პასტერის ქვესადგურის გამგე. 1935–1952 წლებში მუშაობდა თბილისის ბაქტერიოფაგის ინსტიტუტში. მისი ხელმძღვანელობით დაიწყო ინსტიტუტის ახალი შენობის მშენებლობა 1936 წელს. 1941 წლიდან იყო ბაქტერიოფაგის ინსტიტუტის დირექტორის მოადგილე, 1952–1965 წლებში  საქართველოს რესპუბლიკის სერიოლოგიური ლაბორატორიის მთავარი ექიმი. გამოქვეყნებული აქვს სამეცნიერო შრომები და მონოგრაფიები. მედიცინის მეცნიერებათა დოქტორი, პროფესორი, მეორე რანგის სამხედრო ექიმი.

წყარო: საქართველო: ენციკლოპედია: ტ.I.–თბ., 1997.–გვ.24

• 1961 - საქართველოს დამსახურებული ექიმი
• 1946 - მედალი "სამამულო ომის დროს თავდადებული შრომისთვის"
• 1945 - მედალი "კავკასიის დაცვისთვის"
• 1942 - საპატიო ნიშნის ორდენი, საწარმოო–ეპიდემიის საწინააღმდეგო მუშაობისათვის