კირილე პაჭკორია

დაბადების ადგილი: სოფელი ლიაში, წალენჯიხის რაიონი.

დაწყებითი განათლება ფოთის საქალაქო სასწავლებელში მიიღო.

1903–1907წწ. მან ფოთში გაიცნო  ქართული სიმღერის დიდი მოამაგე ავქსენტი მეგრელიძე, რომლის გუნდშიც მღეროდა ოთხი წლის განმავლობაში(ფოთი); მან შეისწავლა ბევრი სიმღერისა და საგალობლის ყველა ხმა; 1908 წელს ჩამოაყალიბა მომღერალთა გუნდი გუდაუთაში, 1911 წელს ძ. ლოლუას გუნდის სოლისტი იყო, პარალელურად 1918 წელს ოჩამჩირეში შექმნა მომღერალთა გუნდი; ძ. ლოლუას გარდაცვალების შემდეგ, 1924 წელს მის გუნდს სათავეში ჩაუდგა კ. გეგეჭკორი, რომელიც მალე კირილე პაჭკორიამ შეცვალა; 1927 წლიდან გუნდი წარმატებით გამოდიოდა ოლიმპიადებზე, კონცერტებს მართავდა მოსკოვში, ლენინგრადში, ხარკოვსა და ბაქოში; 1936 წლიდან ხელმძღვანელობდა დასავლეთ საქართველოს ეთნოგრაფიულ გუნდს, რომელიც 1937 წელს წარმატებით გამოვიდა ქართული ხელოვნების დეკადაზე მოსკოვში; დეკადის შემდეგ კონცერტები გამართა სსრკ სხვადასხვა ქალაქებში; 1940 წლიდან ის საქართველოს სიმღერისა და ცეკვის ანსამბლის ერთ–ერთი დირიჟორი იყო(დასავლეთ საქართველოს ხალხური სიმღერის განხრით); ათეული წლების მანძილზე მან მრავალი ხალხური მომღერალი და ლოტბარი აღზარდა.

წყარო: მუსიკის ენციკლოპედიური ლექსიკონი. – თბ., 2007. – გვ. 212; კარგ ქართველთა საფლავები: geonecropol.ge

• 1946 - საქართველოს ხელოვნების დამსახურებული მოღვაწე
• შრომის წითელი დროშის ორდენი