მიქაელ მოდრეკილი

X საუკუნის ქართველი პოეტ-ჰიმნოგრაფი, მწიგნობარი, კალიგრაფი, მგალობელი, შემდგენელ-რედაქტორი ვრცელი იადგარისა, რომლის ხელნაწერი(S-425), უნიკალურია, როგორც შედგენილობის, ისე მხატვრული გაფორმების თვალსაზრისით, X საუკუნის ქართული წიგნის ხელოვნების ბრწყინვალე ნიმუშია; კრებული შედგენილია 978–988წწ. შატბერდის მონასტერში; თავდაპირველად მასში 1264 გვერდი უნდა ყოფილიყო(გარდა ბოლო ნაწილისა, რომელიც დაკარგულია), ჩვენამდე მოღწეულია 544 გვერდი; მან თავი მოუყარა მისი დროისათვის ქართულ მღვდელმსახურებაში გავრცელებულ საგალობლებს(ორიგინალურსა და ნათარგმნს), როგორც ქართველ(მიქაელ მოდრეკილი, იოანე მტბევარი, იოანე მინჩხი, სტეფანე სანანოისძე–ჭყონდიდელი, ეზრა, იოანე ქონქოსისძე, ბასილი, კურდანაი, მერჩულე), ისე ბერძენ(ანდრია კრეტელი, კოზმა იერუსალიმელი, იოანე დამასკელი, თეოფანე, ეფრემი) ავტორთა ჰიმნებს; საგალობელთა დიდი ნაწილი ნევმირებულია(ჯერჯერობით ნევმები არ არის გაშიფრული); მიქაელ მოდრეკილის მიერ შედგენილი ქართული საგალობლების კრებული ძველი ქართული სამუსიკო კულტურის დიდებული ძეგლია.

წყარო: მუსიკის ენციკლოპედიური ლექსიკონი. – თბ., 2007. – გვ. 178

• მიქაელ მოდრეკილის ჰიმნები, X ს. (ავტორი) // წ. 1 : მიქაელ მოდრეკილის ჰიმნები. ანალიზი. - თბილისი, საბჭ. საქართველო, 1978. - 332გვ.
• მიქაელ მოდრეკილის ჰიმნები, X ს. (ავტორი) // წ. 2 : ჰიმნები. - თბილისი, საბჭ. საქართველო. - 554გვ.