აკაკი ხოშტარია

დაამთავრა პეტერბურგის სასოფლო-სამეურნეო აკადემია.

პირველი მსოფლიო ომის წინა პერიოდში ბაქოში ჩამოაყალიბა მსხვილი სამრეწველო კომპანია და სავაჭრო ოპერაციებს წარმართავდა სამხრეთ კავკასიასა და ირანში; მის მფლობელობაში იყო ორი დიდი კომერციული ორგანიზაცია: სანავთობე ამხანაგობა "რუპენტო" და თურქულ-სპარსული "ხოშტარიას ბანკი", ასევე მექანიკური ქარხანა, საპნის ქარხანა, სამიწათმოქმედო იარაღების ფაბრიკა; 1918 წელს მან თბილისელთა თხოვნით საჯარო აუქციონზე შეიძინა მრეწველისა და საზოგადო მოღვაწის, დავით სარაჯიშვილის სახლი, რომელიც საქართველოს გასაბჭოების შემდეგ ემიგრაციაში წასვლის წინ სხვა უძრავ-მოძრავ ქონებასთან ერთად ქართველ ხალხს საჩუქრად დაუტოვა; ამ სახლში შემდგომში განთავსდა მწერალთა სახლი; მისი ინიციატივით დაიგეგმა და განხორციელდა მთელი შავიზღვისპირეთის ბულვარებისა და ბაღების გაშენება-რეკონსტრუქცია, რომელთა შორისაა - ბათუმის ბულვარი, გაგრის პარკი, მახინჯაურის ბოტანიკური ბაღი; იგი აქტიურ ეწეოდა საქველმოქმედო და საზოგადოებრივ საქმიანობას; 1907 წელს თბილისში ახლადშექმნილ საქართველოს საისტორიო და საეთნოგრაფიო საზოგადოებას ბაქოდან 8 ათასი მანეთი გამოუგზავნა; 1920 წელს მანვე შეიძინა საზღვარგარეთ 4 სამხედრო გემი და საქართველოს დემოკრატიულ რესპუბლიკას გადასცა საჩუქრად; აფინანსებდა ქართველ სტუდენტებს საზღვარგარეთ; მრეწველი, ქველმოქმედი.

წყარო: ხოშტარია აკაკი // ქართველები უცხოეთში : წ.1 / რუსუდან დაუშვილი, გრიგოლ კალანდაძე, რუმუდან კობახიძე, გოჩა ჯაფარიძე, თემურ ტარტარაშვილი. - თბ., 2012. - გვ.217-218; საქართველოს ქველმოქმედები XIX საუკუნე : საქართველოში მოღვაწე ქველმოქმედების ირგვლივ შექმნილი კალაენდარი : საქართველოს პარლამენტის ეროვნული ბიბლიოთეკა .- თბ.,.-გვ.8