ვახტანგ IV (საქართველოს მეფე)

ვახტანგ IV იყო საქართველოს მეფე 1442–1446 წლებში. ალექსანდრე I დიდის ძე, გამეფდა მამის ბერად აღკვეცის შემდეგ. ვახტანგ IV-თან ერთად მეფეებად მოიხსენიებიან მისი ძმები: დიმიტრი, გიორგი, მისი ბიძაშვილი ბაგრატი, რაც ერთიანი საქართველოს მეფის ხელისუფლების დაკნინებას მოწმობს. 1444 წელს ჯაჰან-შაჰმა სამცხეს შემოუტია, მაგრამ ვახტანგ IV-მ მისი უკუგდება შეძლო. გარდაიცვალა უძეოდ. დაკრძალულია ბანაში მეუღლესთან, ფანასკერტელის ასულ სითიხათუნთან ერთად. 

წყარო: საქართველო: ენციკლოპედია: ტ.III.–თბ., 2014.-გვ.224