ჟიული შარტავა

დაბადების ადგილი: ქ. სენაკი.

დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი 1966 წელს; 1973 წელს სწავლობდა ასპირანტურაში ტექნიკური კიბერნეტიკის სპეციალობით; საბჭოთა კავშირის საგარეო საქმეთა სამინისტროს დიპლომატიური აკადემია 1989 წელს.

1961-1960წწ. იყო ქ. ცხაკაიას (სენაკი) სანიტარულ-ეპიდემიოლოგიური განყოფილების თანამშრომელი; 1964-1969წწ. საქართველოს პოლიტექნიკური ინსტიტუტის ალკკ კომიტეტის მდივნის მოადგილე, კომიტეტის მდივანი; 1969-1972წწ. ალკკ თბილისის ორჯონიკიძის სახ. რაიკომის პირველი მდივანი; 1973-1980წწ. საქართველოს ალკკ ცკ მეორე მდივანი, პირველი მდივანი; 1981-1985წწ. საქართველოს კპ ცკ პროპაგანდისა და აგიტაციის გან-ის გამგე, საორგანიზაციო-პარტიული საქმიანობის გან-ს გამგე; 1985-1987წწ. რუსთავის კპ საქალაქო კომიტეტის პირველი მდივანი; 1987-1988წწ. საქართველოს კომუნალური მეურნეობის მინისტრის პირველი მოადგილე; 1989-1990წწ. კპ ცკ პარტიული კონტროლის კომიტეტის პასუხისმგებელი კონტროლიორი; 1990-1991წწ. საქართველოს სახალხო კონტროლის კომიტეტის თავმჯდომარე; 1992-1993წწ. საქართველოს მე-3 მოწვევის პარლამენტის წევრი, საარჩევნო ფორმა: მაჟორიტარული, №4.20 რუსთავის ერთმანდატიანი საარჩევნო ოლქიდან; 1993 წლის 18 ივლისს დაინიშნა აფხაზეთის ავტონომიური რესპუბლიკის თავდაცვის საბჭოსა და მინისტრთა საბჭოს თავმჯდომარედ; წამებით მოკლეს 1993 წლის 27 სექტემბერს სოხუმში, ქალაქის დაცემის დღეს. თბილისში არის ჟიული შარტავას ქუჩა და ახალგაზრდული ქალაქი "ჟიული შარტავა. პოლიტიკური, სახელმწიფო და საზოგადო მოღვაწე, ტექნიკურ მეცნიერებათა კანდიდატი (1992), გენერალ-მაიორი (1993).

წყარო: თბილისი: ენციკლოპედია.- თბ., 2002.-გვ.919; საქართველოს თავდაცვის სამინისტრო: საქართველოს ეროვნული გმირები: history.mod.gov.ge; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.116; საქართველოს პარლამენტის ვებგვერდი: old.parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ. 356

• საქართველოს მე-3 მოწვევის პარლამენტი, წევრი (1992-1993)

• 2004 - საქართველოს ეროვნული გმირი (სიკვდილის შემდეგ)
• 1993 - ვახტანგ გორგასლის I ხარისხის ორდენი (სიკვდილის შემდეგ)