მოსე დავარაშვილი

დაბადების ადგილი: გორის მაზრის დაბა ცხინვალი, ტფილისის გუბერნია.

მიიღო სასულიერო განათლება რაბი ხაფეც-ხაიმთან რადინის იეშივაში. თალმუდისტი. უმაღლესი განათლება მიიღო ქალაქ ვილნოში (დღევანდელი ვილნიუსი), პროფესიით პედაგოგი.

1910-იანი წლებიდან ცხოვრობდა ქალაქ ქუთაისში და აქტიურად იყო ჩაბმული ადგილობრივი ებრაული თემის საზოგადოებრივ და კულტურულ საქმიანობაში; იყო რუსეთის სოციალ-დემოკრატიული მუშათა პარტიის "მენშევიკების ფრაქციის" წევრი; 1918 წლის განმავლობაში იყო საქართველოს დემოკრატიული რესპუბლიკის პარლამენტის წევრი; 1919 წლის 12 მარტიდან არჩეული იყო საქართველოს რესპუბლიკის დამფუძნებელი კრების წევრად საქართველოს სოციალ-დემოკრატიული მუშათა პარტიის სიით; იყო გზათა და სახალხო განათლების კომისიების წევრი; 1970 წელს საცხოვრებლად გადასახლდა ისრაელში; იყო ისრაელში მცხოვრებ ქართველ ებრაელთა სულიერი ლიდერი. მისი ხელმძღვანელობით ქართული შრიფტით დაიბეჭდა ლოცვანი "თეფილათ ახიმ" (ძმების ლოცვა). გარდაიცვალა იერუსალიმში. ქართველი ებრაელი საზოგადო მოღვაწე, რაბინი.

წყარო: საზოგადოებრივი არქივი: archive.ge; rujen.ru

• საქართველოს დამფუძნებელი კრება, წევრი (1919-)