მურთაზ ხურცილავა

დაბადების ადგილი: სოფელი ბანძა, მარტვილის რაიონი.

დაამთავრა საქართველოს პოლიტექნიკური ინსტიტუტი 1976 წელს.

1961-1975წწ. იყო თბილისის "დინამოს" მცველი; 1971-1975წწ. - გუნდის კაპიტანი; 1963-1964წწ. გამოდიოდა სსრკ ოლიმპიური ნაკრების შემადგენლობაში (მოსკოვი, ჰელსინკი, ვარშავა); 1975-1976წწ. თამაშობდა ქუთაისის "ტორპედოში"; უმაღლეს ლიგაში ჩატარებული აქვს 292 მატჩი (15 გოლი), სსრკ ნაკრებში - 69 მატჩი (6 გოლი); სსრკ ჩემპიონატის მესამე პრიზიორი (1962, 1967, 1969, 1971, 1972); 1972-1973წწ. იყო სსრკ ნაკრების კაპიტანი; ნაკრებთან ერთად 1966 წელს ინგლისის მსოფლიო ჩემპიონატის ბრინჯაოს და 1972 წელს ევროპის ჩემპიონატის ვერცხლის პრიზიორი; 1970 წელს მსოფლიო ჩემპიონატის მონაწილე, სსრკ 33 საუკეთესო ფეხბურთელის სიაში დაასახელეს 10-ჯერ; 1977 წლიდან მუშაობს მწვრთნელად; სხვადასხვა დროს ხელმძღვანელობდა ზუგდიდის "დინამოს", სამტრედიის "ლოკომოტივს", ლანჩხუთის "გურიას", თბილისის "შევარდენს", თბილისის "დინამოს"; 1999-2001წწ. საქართველოს ახალგაზრდული ნაკრების მთავარი მწვრთნელი; 2001 წლიდან საქართველოს ეროვნული ნაკრების ერთ-ერთი მწვრთნელი; 2003 წლის ნოემბერში, მურთაზ ხურცილავა საქართველოს ფეხბურთის ფედერაციის მიერ არჩეულ იქნა საქართველოს "ოქროს ფეხბურთელად", როგორც უკანასკნელი 50 წლის მანძილზე ქვეყნის ყველაზე გამოჩენილი ფეხბურთელი; ერთ-ერთი საუკეთესო ფეხბურთელი სსრკ ფეხბურთის ისტორიაში; ბ. პაიჭაძემ მას "ქართული ფეხბურთის სიამაყე" უწოდა.

წყარო: თბილისი: ენციკლოპედია.- თბ., 2002.-გვ.997-998; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.153

• 1997 - ღირსების ორდენი
• 1968 - სსრკ სპორტის დამსახურებული ოსტატი