გაიოზ ჯეჯელავა

დაამთავრა საქართველოს პოლიტექნიკური ინსტიტუტი 1940 წელს.

გამოდიოდა თბილისის გუნდებში - "ლოკომოტივსა" (1935-1937) და "დინამოში" (1937-1948), უმაღლეს ლიგაში ჩატარებული აქვს 145 მატჩი (67 გოლი); 6-ჯერ დასახელდა სსრკ 33 საუკეთესო ფეხბურთელს შორის, აქედან 3-ჯერ (1938-1940) - პირველ ნიშნად; 1940 წელს შევიდა სსრკ საუკეთესო სპორტსმენთა ათეულში; საბჭოთა ფეხბურთში ყველა დროის ერთ-ერთი საუკეთესო თავდამსხმელი; გამოირჩეოდა ვირტუოზული ტექნიკით, არტისტიზმით; საფეხბურთო კარიერის დამთავრების შემდეგ მუშაობდა უფროს მწვრთნელად 35-ე საფეხბურთო სკოლაში (1949), რომლის ერთ-ერთი დამაარსებელი იყო, ასევე - მოსკოვის "ვვს-ში" (1949-1952), თბილისის "დინამოში" (1956-1957); შემდეგ მუშაობა განაგრძო ინჟინრის სპეციალობით; ავტორია წიგნებისა: "ქართული ფეხბურთელები ირანსა და რუმინეთში" (1947) და "მოძრავი თამაშები ფეხბურთელთათვის" (1947); მიღებული აქვს სახელმწიფო ჯილდოები, არის სრკ ჩემპიონატის მეორე პრიზიორი (1939, 1940), სსრკ ჩემპიონატის მესამე პრიზიორი (1946, 1947). სპორტის სახეობა: ფეხბურთი.

წყარო: თბილისი: ენციკლოპედია.- თბ., 2002.-გვ.1008; geonecropol.com

• 1946 - სსრკ სპორტის დამსახურებული ოსტატი

• ქართველი ფეხბურთელები ირანსა და რუმინეთში (ავტორი). - თბილისი, საბლიტგამი, 1947. - 50გვ.
• მოძრავი თამაშობანი ფეხბურთელთათვის (ავტორი). - თბილისი, ტექნიკა და შრომა, 1947. - 52გვ.