ნიკოლოზ ტუმანოვი

დაბადების ადგილი: სოფელი ხელთუბანი, ახლანდელი გორის მუნიციპალიტეტი.

დაამთავრა ნიკოლოზის კადეტთა კორპუსი, ნიკოლოზის საკავალერიო სასწავლებელი.

რუსეთის იმპერიის არმიის გენერალ-ლეიტენანტი (1911). სამხედრო სამსახურში იყო 1866 წლიდან. მონაწილეობდა რუსეთ-ოსმალეთის ომში (1877–1878). 1894 წლიდან იყო პოლკოვნიკი, მეთაურობდა საიმპერატორო ბადრაგის ლაიბ-გვარდიის ყირიმელ თათართა რაზმს, 1903 წლიდან გენერალ-მაიორი-მეთაურობდა ციმბირის კაზაკთა დივიზიის მე-2 ბრიგადას, 1905–1912 წლებში იყო საგანგებო დავალებათა გენერალი იმპერატორის კარზე. დაჯილდოებულია უცხოეთის სახელმწიფოთა (პრუსია, იაპონია, თურქეთი, საბერძნეთი, ბულგარეთი და სხვ.) ორდენებით. რუსეთის იმპერიის არმიის გენერალ-ლეიტენანტი (1911). გენერალ-მაიორ მიხეილ თუმანიშვილის ტყუპისცალი. გარდაიცვალა სანკტ-პეტერბურგში.

წყარო: საქართველო: ენციკლოპედია: ტ. IV. -თბ., 2018. -გვ.124

• 1909 - წმინდა ანას I ხარისხის ორდენი
• 1905 - წმინდა სტანისლავის I ხარისხის ორდენი
• 1902 - წმინდა ვლადიმირის III ხარისხის ორდენი
• 1899 - წმინდა ვლადიმირის IV ხარისხის ორდენი
• 1896 - წმინდა ანას II ხარისხის ორდენი
• 1891 - წმინდა სტანისლავის II ხარისხის ორდენი
• 1887 - წმინდა ანას III ხარისხის ორდენი
• 1884 - წმინდა სტანისლავის III ხარისხის ორდენი