აღალო თუთაევი

თანამშრომლობდა ქართულ  პრესასთან ("დროება", "ივერია", "თემი" და სხვ.). აქვეყნებდა პუბლიცისტურ წერილებს, პიესებს, ნაკვესებს. XIX საუკუნის 70-იან წლებში აქტიურად მონაწილეობდა გორის კულტურულ-საგანმანათლებლო ცხოვრებაში. იყო გორის სცენისმოყვარეთა საზოგადოების ერთ-ერთი სულისჩამდგმელი. 1877 წელს ნ. დიასამიძესთან ერთად საკუთარი ხარჯით გადააკეთა გორის ძველი როტონდა და თეატრი დააარსა. 80-იანი წლებიდან ცხოვრობდა თბილისში, ჰქონდა საღებავების ქარხანა, რომლის შემოსავლის ნაწილს საქველმოქმედო საქმეებს ახმარდა (მატერიალურად ეხმარებოდა სკოლებს, ეკლესია-მონასტრებს და სხვ. დიდუბეში, საკუთარ სახლში, დაარსებული ჰქონდა ბიბლიოთეკა-სამკითხველო). მისი პიესები ("ცოლი ვიტირო თუ ფული?", "უცნაური არშიყი" და სხვ.) იდგმებოდა თბილისში, გორში, თელავში, ცხინვალში, ოჩამჩირეში. თეატრალური მოღვაწე, ქველმოქმედი.

 წყარო: საქართველო: ენციკლოპედია: ტ. IV. -თბ., 2018. -გვ.115; ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.334

• ქართული პიესები (ავტორი). - ტფილისი, ი. ა. მანსვეტოვის სტ., 1891. - 72გვ.
• "უმანკო პატარძალი" : კომედია ერთს მოქმედებად (ავტორი). - თბილისი, 1880. - 68გვ.
• ცოლი ვიტირო თუ ფული : კომედია ოთხ მოქმედებად (ავტორი). - თბილისი, ექ. ხელაძის სტ., 1877. - 84გვ.