სავლე აბულაძე

დაბადების ადგილი: სოფელი კიცხი, ზემო იმერეთი.

დაამთავრა თბილისის მოკლევადიანი სამხედრო სასწავლებელი 1917 წელს და მიიღო ოფიცრის პირველი ჩინი.

ეწეოდა საზოგადოებრივ და ლიტერატურულ–პედაგოგიურ მოღვაწეობას; თანამშრომლობდა გაზეთ – "სახალხო საქმეში", "ზვირთში", "ჯარის–კაცში", "მხედარში", "მომავალში", "საქართველოს განათლების მუშაკში"; 1911 წელს იყო კიცხის სკოლის მასწავლებელი; 1912 წელს ორკლასიანი სკოლის ზედამხედველი; 1921 წელს შვიდკლასიანი სკოლის გამგე და შეთავსებით შორაპნის მაზრის სკოლების ინსტრუქტორი; 1909 წელს დაიბეჭდა მისი პირველი ლექსი რუსულ ენაზე გოგოლის საიუბილეოდ გამოცემულ კრებულში; 1915 წელს მისი მოთხრობები – "იასამანი", "სწავლის წყურვილი", "პირველი სიყვარული" დაიბეჭდა ია ეკალაძის გაზეთ "სამშობლოში"; ამავე დროს მისი ლექსები და ჩაწერილი ხალხური ზრაპრები იბეჭდებოდა "ნაკადულში" და "ჯეჯილში"; 1924 წელს ქალაქ ჭიათურაში გამოსცა პირველი ლექსების პატარა კრებული "მზიანი ჩრდილები". ანტირელიგიურ საქმიანობაში აქტიურად მონაწილეობდა მწერლობითა და ლექციებით. კითხულობდა საჯარო ლექციებს ქართულ და რუსულ ენებზე ლიტერატურულ, პედაგოგიურ-მეთოდურ და სხვა საკითხებზე. 

წყარო: ქართველ მოღვაწეთა ლექსიკონი:1801-1952: ტ.I .-თბ.,2018.-გვ.62

• საქართველოს მებრძოლ უღმერთოთა ცენტრალური საბჭო, წევრი (1932-1933)
• ქართული საენათმეცნიერო საზოგადოება, წევრ–კორესპონდენტი (1923-1924)

• კოლექტივი : ლექსები (ავტორი). - ზესტაფონი, ზესტაფონის რაიაღმასკომის სტ., 1930. - 32გვ.
• მზიანი ჩრდილები : ლექსები (ავტორი). - ჭიათურა, სამაღმასკომის კომ. სტამბა, 1924. - 32გვ.