ნიკა აგიაშვილი

დაბადების ადგილი: სოფელი დიხაშხო, ვანის რაიონი. 

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ფილოლოგიის ფაკულტეტის ჟურნალისტიკის განყოფილება.

სხვადასხვა წლებში მუშაობდა ჟურნალ–გაზეთების: "ახალგაზრდა კომუნისტის", "სტალინელის" ("ახალი ქუთაისი"), "ჩვენი თაობის", "კომუნისტის" და "დროშის" რედაქციებში. იგი წლების განმავლობაში მუშაობდა გამომცემლობა "მერანის" თარგმნილი ლიტერატურის რედაქციის გამგედ. იყო ჟურნალ "მნათობის" რედაქციის პასუხისმგებელი მდივანი და რედკოლეგიის წევრი. აქტიურად მონაწილეობდა ქუთაისის ლიტერატურული გაზეთის "სიტყვა და საქმის" გამოშვებაში (1934–1935). ლიტერატურული მოღვაწეობა უნივერსიტეტში სწავლის პერიოდში დაიწყო. ამავე პერიოდში  იბეჭდება ნ. აგიაშვილის წერილები და თარგმანები. იგი იყო შესანიშნავი მთარგმნელ–სტილისტი. ავტორია მონოგრაფიებისა: "სერვანტესის ცხოვრება" (1941), "ჭაბუკები დარჩნენ მარად"(1961), და "ალექსანდრე ნეველი". თარგმნა ჯეკ ლონდონის, ლევ ტოლსტოის, მაქსიმ გორკის, ალექსანდრე პუშკინის, მიხეილ ლერმონტოვისა და სხვათა ნაწარმოებები.

წყარო: მამულიშვილთა სავანე. - თბ., 1994. - გვ.30; ქართველ მოღვაწეთა ლექსიკონი:1801-1952: ტ.I .-თბ.,2018.-გვ.68

• საქართველოს მწერალთა კავშირი, წევრი
• საქართველოს პროლეტარ მწერალთა ასოციაცია, წევრი (1928-)

• დროგამოშვებით-დღედაღამე (ავტორი). - თბილისი, ჩვენი მწერლობა, 2012. - 31გვ.
• პირად-პირადი : საიუბ. კრებული, ეძღვნება ნიკა აგიაშვილის დაბადების 100 წლისთავს (ავტორი). - თბილისი, 2003. - 246გვ.
• სერვანტესის ცხოვრება (ავტორი). - თბილისი, საბჭ. საქართველო, 1973. - 338გვ.
• ჭაბუკები დარჩნენ მარად : მოგონებები (ავტორი). - თბილისი, საბჭ. მწერალი, 1961. - 366გვ.