შოთა აკობია

დაბადების ადგილი: სოფელი ჭალე, წალენჯიხის რაიონი.

დაამთავრა თბილისის სამხატვრო აკადემია 1942 წელს და თბილისის სახელმწიფო უნივერსიტეტის ფილოლოგიური ფაკულტეტი (დაუსწრებლად).

1944–1945წწ. მუშაობდა წალენჯიხის რაიონულ გაზეთ "სტალინელის" რედაქციაში; 1945–1950წწ. კომპარტიის წალენჯიხის რაიონული კომიტეტის მდივნის თანაშემწედ; 1950–1954წწ. გაზეთ "აფხაზეთის" რედაქციაში; 1954–1959წწ. იყო ალმანახ "ლიტერატურული აფხაზეთის" რედაქტორი; 1959–1974წწ. აფხაზეთის მწერალთა კავშირის ქართული სექტორის გამგე; 1974 წლიდან "საქპრესის" აფხაზეთის განყოფილების გამგე; 1938 წელს გამოაქვეყნა პირველი ლექსი "ბაღში", 1951 წელს ლექსების პირველი წიგნი "სამშობლოს დილა". მასვე ეკუთვნის რომანები"თეთრი ჩრდილი", "სიყვარული და სინათლე", მოთხრობების წიგნები, საბავშვო ნაწარმოებები, აფხაზ მწერლების ნაწარმოებთა თარგმანები და სხვა. მონაწილეა რამდენიმე ანთოლოგიისა და კოლექტიური კრებულისა. მისი ნაწარმოებები ნათარგმნია რუსულ და აფხაზურ ენებზე.

წყარო: საქართველო: ენციკლოპედია: ტ.1 –თბ., 1997. – გვ.82

• როცა ქვეყანა თბილი იყო : რომანი (ავტორი) // წ. 1. - სოხუმი, ალაშარა, 1989. - 372გვ.
• გზებს და შეხვედრებს : ლექსები (ავტორი). - თბილისი, საბჭ. მწერალი, 1962. - 74გვ.
• ურჩის თავგადასავალი : პოემები უმცრ. სასკოლო ასაკის ბავშვთათვის (ავტორი). - თბილისი, ნაკადული, 1961. - 28გვ.
• ლექსები, პოემები (ავტორი). - სოხუმი, აფხაზეთის სახელგამი, 1955. - 146გვ.
• სამშობლოს დილა : ლექსები (ავტორი). - სუხუმი, აფხაზეთის სახელგამი, 1951. - 114გვ.