ავთანდილ არაბული

დაბადების ადგილი: სოფელი ჯუთა, ყაზბეგის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1976 წელს.

1980-1984წწ. - არნ. ჩიქობავას სახელობის ენათმეცნიერების ინსტიტუტი, ქართველურ ენათა განყოფილება, უმცროსი მეცნიერ-თანამშრომელი; 1984-1988წწ. - ამავე ინსტიტუტის ლექსიკოლოგიის განყოფილება, უფროსი მეცნიერ-თანამშრომელი; 1984-1998 და 2006-2009წწ. - ლექსიკოლოგიის განყოფილების გამგე; 2000-2005წწ. - დირექტორის მოადგილე სამეცნიერო დარგში; 2004-2005წწ. - თბილისის სახელმწიფო უნივერსიტეტი, ახალი ქართული ენის კათედრის გამგე; 2006 წლიდან - არნ. ჩიქობავს სახელობის ენათმეცნიერების ინსტიტუტი, სამეცნიერო საბჭოს თავმჯდომარე. 200-მდე სამეცნიერო ნაშრომის, მათ შორის, 18 წიგნისა და 20-ზე მეტი სახელმძღვანელოს ავტორი. კვლევის სფეროები: ქართველური ენები, ქართული ენის ისტორია და სტრუქტურა, ლექსიკოლოგია, ეტიმოლოგია; სტილისტიკა და მეტყველების კულტურა. "ქართული ენის განმარტებითი ლექსიკონის" მთავარი რედაქტორი, სხვადასხვა დონის სასწავლო პროგრამებისა და სახელმძღვანელოების ავტორი. ენათმეცნიერო, ფილოლოგიის მეცნიერებათა დოქტორი (1997), პროფესორი (1997).

სადოქტორო დისერტაციის თემა - "სახელისა და ზმნის დერივაციის ურთიერთმიმართების საკითხები ქართველურ ენებში", დაიცვა 1997 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.448-449; საქართველოს მეცნიერებათა ეროვნული აკადემია: science.org.ge

• აკად. არნოლდ ჩიქობავას შრომათა მრავალტომეულის სარედაქციო საბჭო, წევრი
• ენათმეცნიერების ინსტიტუტის სამეცნიერო ორგანოს "იბერიულ-კავკასიური ენათმეცნიერების" სარედაქციო კოლეგია, წევრი
• საქართველოს მეცნიერებათა აკადემიასთან არსებული საქართველოს მთიანეთის შემსწავლელი მუდმივმოქმედი კომისია, წევრი
• საქართველოს მეცნიერებათა ეროვნული აკადემია, წევრ–კორესპონდენტი (2009-)
• საქართველოს მეცნიერებათა ეროვნული აკადემია, აკადემიკოსი (2015-)
• საქართველოს მეცნიერებათა ეროვნული აკადემიის აკადემიური საბჭო, წევრი

• მცირე სასაუბრო ლექსიკონი : სულხან-საბა ორბელიანის "სიტყვის კონის" მიხედვით (რედაქტორი). - თბილისი, 2007. - 115გვ.. - ISBN: 978-99940-58-82-2
• ჟამი მეცნიერების გამოსარჩლებისა (ავტორი). - თბილისი, ქართული ენა, 2005. - 67გვ.. - ISBN: 99940-820-3-5
• ქართული მეტყველების კულტურა (ავტორი). - თბილისი, კულტურა, 2004. - 308გვ. - ISBN: 99940-32-48-8
• ზმნური და სახელური ფუძეთქმნადობის პრობლემა ქართველურ ენებში (ქართველური ენები) (ავტორი). - თბილისი, ქართული ენა, 2001. - 385გვ. - ISBN: 99928-825-5-7
• მესამე სერიის ნაკვთეულთა წარმოება და მნიშვნელობა ძველ ქართულში (ქართული ენა) (ავტორი). - თბილისი, მეცნიერება, 1984. - 199გვ.