მამია ასათიანი

დაბადების ადგილი: ქ. ქუთაისი.

დაამთავრა ქუთაისის პედაგოგიური ტექნიკუმი. სწავლობდა თსუ-ის ფილოლოგიის ფაკულტეტზე.

მუშაობდა ქუთაისში საშუალო სკოლის დირექტორად, განათლების განყოფილების გამგის მოადგილედ, საქართველოს მწერალთა კავშირის ქუთაისის განყოფილების თავმჯდომარედ და სხვა. ასათიანის პირველი ლექსი დაიბეჭდა 1929 წელს. ნოველათა პირველი კრებული ("ხუთი ნოველა") - 1936 წელს. თავის მოთხრობებსა და ნოველებში ასათიანი გვიხატავს თანამედროვეთა საინტერესო სახეებს, მათ შრომას, სამშობლოსათვის თავდადებას, სიკეთისაკენ მისწრაფებას, სიყვარულს (კრებულები "მოთხრობები", 1955, 1960, 1967; "მთის ლეგენდები", 1963; "შიშველი ხმალი", 1964; "ხალდეს ყვავილები", 1966; "გელათის ქრონიკები" 1968 და სხვა). ასათიანი ავტორია მრავალი ნარკვევისა, აგრეთვე მოგონებებისა ქართველ მწერალთა და თეატრალურ მოღვაწეთა შესახებ.

წყარო: მამულიშვილთა სავანე. - თბ., 1994. - გვ.64

• ხალდეს ყვავილები : ლეგენდები (ავტორი). - თბილისი, ნაკადული, 1966. - 270გვ.
• მიაგულის სიყვარული : მოთხრობები (ავტორი). - თბილისი, საბლიტგამი, 1957. - 173გვ.
• მოთხრობები (ავტორი). - თბილისი, საბჭ. მწერალი, 1955. - 210გვ.
• ხუთი ნოველა (ავტორი). - ქუთაისი, საქ. საბჭ. მწერლების კავშ. ქუთ. განყ., 1936. - 79გვ.