ვასილ ბაბუხადია

დაბადების ადგილი: ქ. ტყიბული.

დაამთავრა თბილისის სახელმწიფო სამედიცინო ინსტიტუტი 1938 წელს.

II მსოფლიო ომის დროს იყო დივიზიის წამყვანი ქირურგი. 1946–1971წწ. მუშაობდა თბილისის სახელმწიფო სამედიცინო ინსტიტუტის პედიატრიული ფაკულტეტის ზოგად ქირურგიულ კათედრაზე, 1971–1973წწ. იყო ამავე კათედრის პროფესორი, 1973 წლიდან კი უროლოგიის კათედრის გამგე. ვ. ბაბუხადია შეისწავლიდა თირკმლის პარენქიმის რეგენერაციას ჰიდრონეფროზის პირობებში, შარდ-კენჭოვან დაავადებას, საშარდე გზების ინფექციას, წინამდებარე ჯირკვლის ადენომას. იკვლევდა საექიმო ეთიკისა და დეონტოლოგიის საკითხებს. მიღებული აქვს სახელმწიფო ჯილდოები, მ. შ. საბრძოლო ორდენი. მედიცინის მეცნიერებათა დოქტორი (1967), პროფესორი (1972). ქირურგ-უროლოგი.

წყარო: საქართველო: ენციკლოპედია: ტ.I.–თბ., 1997.–გვ.314; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.68

• საქართველოს სამედიცინო-ბიოლოგიურ მეცნიერებათა აკადემია, ნამდვილი წევრი (1995-)

• 1994 - საქართველოს სახელმწიფო პრემია, მეცნიერებისა და ტექნიკის დარგში
  უროლოგია : დამხმარე სახელმძღვანელო საშ. სამედ. სასწ. მოსწავლებისათვის / ვასილ ბაბუხადია.-თბილისი : განათლება, 1985.-430გვ.
• 1978 - საქართველოს მეცნიერებათა დამსახურებული მოღვაწე

• შარდ-სასქესო ორგანოების არასპეციფიკური ანთებითი დაავადებები (ავტორი). - თბილისი, 1990. - 30გვ.
• უროლოგია : დამხმარე სახელმძღვ. საშ. სამედ. სასწ. მოსწავლებისათვის (ავტორი). - თბილისი, განათლება, 1989. - 127გვ.
• ექიმის ფიცი და საექიმო ეთიკის ზოგიერთი საკითხი (ავტორი). - თბილისი, საბჭ. საქართველო, 1987. - 119გვ
• ამბულატორიული უროლოგია (ავტორი). - თბილისი, საბჭ. საქართველო, 1980. - 184გვ.