მარიკა ბარათაშვილი

დაბადების ადგილი: სოფელი მერევი, ჭიათურის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1945 წელს.

1965-1991წწ. მუშაობდა ჟურნალ "საქართველოს ქალის" რედაქტორად. მისი პირველი ლექსი 1936 წელს გამოქვეყნდა, ლექსების პირველი კრებული - 1945 წელს. დიდი პოპულარობა მოიპოვა მ. ბარათაშვილის პიესამ "ჭრიჭინა" (დაიდგა 1950 წელს, კ. მარჯანიშვილის სახელობის თეატრი), რომელიც დადგა ბევრმა უცხოეთის თეატრმა, ითარგმნა რუსულ, უკრაინულ, იტალიურ, ესპანურ, ჩინურ და სხვა ენებზე. პიესის საფუძველზე გადაიღეს ფილმი "ჭრიჭინა." აღსანიშნავია მ. ბარათაშვილის ლექსთა კრებულები: "ლექსები" (1948), "საპოვნელა" (1958), "დღე დღევანდელი" (1969), საბავშვო ლექსებისა და პოემების კრებულები: "ნანული" (1941), "სოფელა, თინა და ჭიანჭველები" (1949) და სხვა. ჩვენი რესპუბლიკის თეატრების სცენაზე დაიდგა ბარათაშვილის პიესები "ჩემი ყვავილეთი", "სართულები", "მაღალი ოცნება", "რატომ?", "სიყვარულის წისქვილი", "ჩქარი მატარებელი" და სხვ. 1990 წელს მიღებული აქვს საქართველოს რესპუბლიკის მინისტრთა საბჭოს პრემია.

წყარო: საქართველო: ენციკლოპედია: ტ.I.–თბ., 1997. გვ.352; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.367; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.47

• მშვიდობის კომიტეტი, წევრი
• საქართველოს სსრ IV მოწვევის უმაღლესი საბჭო, დეპუტატი
• საქართველოს ქალთა კომიტეტი, წევრი
• სსრკ ქალთა კომიტეტი, წევრი
• ქალთა რესპუბლიკური საბჭო, წევრი
• ჰელსინკის (ფინეთი) მსოფლიოს ქალთა საერთაშორისო კონგრესი, მონაწილე (1969-)

• 1996 - ღირსების ორდენი
  ქართული ლიტერატურის განვითარებაში შეტანილი განსაკუთრებული წვლილისა და ხანგრძლივი ნაყოფიერი სამეცნიერო-პედაგოგიური მოღვაწეობისათვის
• ვაჟა-ფშაველას სახელობის პრემია
• გალაკტიონ ტაბიძის სახელობის პრემია
• აკაკი წერეთლის სახელობის პრემია
• საქართველოს სახელმწიფო პრემია
• საქართველოს ხელოვნების დამსახურებული მოღვაწე
• საპატიო ნიშნის ორდენი

• ასი წლის გადმოსახედიდან : მოგონებები (ავტორი). - თბილისი, ბაკმი, 2009. - 248გვ.. - ISBN: 978-99940-27-70-5
• "საპოვნელა" და 300 ლექსი (ავტორი). - თბილისი, პალიტრა L, 2005. - 240გვ.. - ISBN: 99940-42-06-8
• ფიქრები, გზა და ყაყაჩოები : ლექსები (ავტორი). - თბილისი, საბჭ. საქართველო, 1986. - 135გვ.
• პიესები (ავტორი). - თბილისი, საქართველოს თეატრ. საზ-ბა, 1982. - 320გვ.
• ლექსები (ავტორი). - თბილისი, მერანი, 1982. - 223გვ.
• ჭრიჭინა : პიესები (ავტორი). - თბილისი, საბჭ. საქართველო, 1962. - 229გვ.