არჩილ ბეთანელი

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტი 1948 წელს.

1951–1967წწ. ეწეოდა პედაგოგიურ მოღვაწეობას; 1972 წლიდან იყო მანქანათმშენებლობისა და ელექტროტექნიკური საპროექტო და სამეცნიერო–კვლევითი ინსტიტუტის დირექტორი; 1974 წლიდან ავტომატიკისა და ჰიდრავლიკური ცენტრის სამეცნიერო–კვლევითი ინსტიტუტის საქართველოს ფილიალის ორგანიზატორი და პირველი დირექტორი; 1977–1992წწ. საქართველოს ტექნიკური უნივერსიტეტის თვითმფრინავთმშენებლობის კათედრის გამგე, 1992 წლიდან კი ამავე კათედრის პროფესორი. მისი მეცნიერული მოღვაწეობის მიმართულებები იყო: საფრენი აპარატების დაპროექტების და წარმოების ტექნილოგიის მეთოდოლოგიები; შექმნა მჭრელი იარაღის მყიფე სიმტკიცის გაანგარიშების თეორია და მისი განსაზღვრის დაჩქარებული ექსპერიმენტული მეთოდი; მისი ხელმძრვანელობით და მონაწილეობით შემუშავებულია საფრენი აპარატის დეტალების ზედაპირული განმტკიცებისა და ურღვევი კონტროლის მეთოდები; მიიღო მონაწილეობა ქართული საავიაციო ტერმინოლოგიის შექმნაში. მეცნიერი მანქანათმშენებლობის დარგში. ტექნიკურ მეცნიერებათა დოქტორი (1969), პროფესორი (1971). მიღებული აქვს: მ. იანგელის, იური გაგარინის სახელობის, ს. კოროლიოვის, კ. ციოლკოვსკის სახელობისა და მ. კელდიშის სახელობის მედლები, საბჭოთა კავშირის გამომგონებლის წოდება.

წყარო: საქართველო: ენციკლოპედია: ტ.I.–თბ., 1997.–გვ.390; საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.187; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.126

• საქართველოს უმაღლესი და საშუალო სპეციალური განათლების სამინისტროს კოლეგია, წევრი (1967-)
• რუსეთის კოსმონავტიკის ფედერაციის პრეზიდიუმის ბიურო, წევრი
• საქართველოს უმაღლესი და საშუალო სპეციალური განათლების სამინისტროს სამეცნიერო–ტექნიკური საბჭო, თავმჯდომარე (1967-)

• 1998 - ღირსების ორდენი
  საქართველოში ტექნიკური მეცნიერების განვითარებისა და საინჟინრო კადრების აღზრდის საქმეში შეტანილი პირადი წვლილისათვის
• 1990 - საქართველოს მეცნიერებათა დამსახურებული მოღვაწე

• ჩემი ასაკის მწვერვალიდან... : მოგონებები (ავტორი). - თბილისი, "თბილავიამშენის" გამ-ბა , 2005. - 192გვ.
• თვითმფრინავთმშენებლობის სპეციალობის შესავალი : სახელმძღვ. საქ. ტექნ. უნ-ტის საავიაციო ინ-ტის სტუდ. (ავტორი). - თბილისი, საავიაციო ინ-ტი, 1998. - 192გვ.
• Прочность и надежность режущего инструмента (ავტორი). - Тбилиси, Сабч. Сакартвело, 1973. - 304с.