აკაკი ბოკუჩავა

დაბადების ადგილი: ქ. სამტრედია.

1931-1932 წლებში სწავლობდა ქ. სამტრედიის პედაგოგიურ ტექნიკუმში; 1932 წელს გადადის კ. მარჯანიშვილის სახელობის თეატრთან არსებულ სამსახიობო სტუდიაში.

ტექნიკუმის დამთავრების შემდგომ მუშაობა დაიწყო ქ. სამტრედიის მოზარდმაყურებელთა თეატრში; 1938 წლიდან სოხუმის ქართული თეატრის მსახიობია. მის მიერ შესრულებული როლებიდან აღსანიშნავია: მანუჩარი (პ. კაკაბაძის "კოლმეურნის ქორწინება"), გოდუნი (ბ. ლავრენიოვის "რღვევა"), ზასლონოვი (ა. მოვზოლის "კონსტანტინე ზასლონოვი"), გელა (ს. შანშიაშვილის "ხევისბერი გოჩა"), ანდრო (გ. ბერძენიშვილის "ტირიფის ქვეშ"), ჩონთა (ვაჟა-ფშაველას "მოკვეთილი"), დომენტი (შ. დადიანის "ნაპერწკლიდან"), ბაში-აჩუკი (აკ. წერეთლის "ბაში-აჩუკი"), ხევისბერი (ალ. ყაზბეგის "მოძღვარი") და სხვა. მიღებული ჰქონდა მთავრობის ჯილდოები და საპატიო სიგელები.

წყარო: ხელოვნების კალენდარი თეატრი, მუსიკა, კინო -თბ., -1992 - გვ.108; ა.ი. ბოკუჩავა : ნეკროლოგი // საბჭოთა აფხაზეთი. - სოხუმი, 1989. - 28 ივლისი.-N140.-გვ.4

• 1982 - აფხაზეთის ასსრ სახალხო არტისტი
• 1961 - საქართველოს დამსახურებული არტისტი
• 1955 - აფხაზეთის ასსრ დამსახურებული არტისტი