გუგული ბუხნიკაშვილი

დაბადების ადგილი: დაბა სურამი, ხაშურის რაიონი.

დაამთავრა თბილისის პედაგოგიური ინსტიტუტი 1930 წელს; 1950 წელს საქართველოს რუსთაველის სახელობის თეატრალური ინსტიტუტი.

1911–1913წწ. მონაწილეობდა სურამსა და ხაშურში სცენისმოყვარეთა წარმოდგენებში; 1916–1920წწ. იყო თბილისის ნაძალადევის სახალხო სახლის თეატრალურ დასში; 1921 წელს დააარსა პროლეტარ მწერალთა ასოციაცია; 1926–1927წწ. იყო თბილისის რუსთაველის სახელობის თეატრის დირექტორი; 1928–1932წწ. დააარსა თბილისის სატირისა და სასოფლო მოძრავი თეატრები  და იყო მათი ხელმძღვანელი; 1932–1936წწ. იყო თბილისის სამხატვრო აკადემიის დირექტორი; 1936–1939წწ. ხელოვნების მუზეუმის "მეტეხის" დირექტორი; 1939 წლიდან საქართველოს თეატრალური მუზეუმის დირექტორი; ლიტერატურული მოღვაწეობა დაიწყო 1914 წლიდან. დაწერილი აქვს 60–ზე მეტი პიესია. 1930 წლიდან აქვეყნებდა  მონოგრაფიებსა და გამოკვლევებს ქართული თეატრის ისტორიის საკითხებზე. მისი ნაშრომი "ქართული თეატრის მატიანე. 1850–1917"(ხელნაწერი დაცულია საქართველოს თეატრალურ მუზეუმში) შეიცავს სრულ ბიბლიოგრაფიას რევოლუციამდელი ქართული თეატრის შესახებ. თეატრმცოდნე, თეატრალური მოღვაწე. მიღებული აქვს სახელმწიფო ჯილდოები. 

წყარო: საქართველო: ენციკლოპედია: ტ.I.–თბ., 1997.–გვ.513

• 1950 - საქართველოს ხელოვნების დამსახურებული მოღვაწე

• ქართული თეატრი ახალი ეპოქის მიჯნაზე (ავტორი). - თბილისი, ხელოვნება, 1976. - 225გვ.
• თერთმეტი პიესა (ავტორი). - ბათომი, ფედერაცია, 1932. - 237გვ.
• ათი წელი : პიესათა კრებული (ავტორი). - ტფილისი, სახელგამის გა-მა, 1931. - 123გვ.
• სესხი : კომედია 3 მოქმედებათ (ავტორი). - ტფილისი, საქ. ფინსახკომი, 1930. - 37გვ.
• ასე იყო : წარსულის ქრონიკა 9 სურათად (ავტორი). - ტფილისი, პოლიგრაფტრ. მე-2 სტ., 1929. - 90გვ.