ვიქტორ გაბესკირია

დაბადების ადგილი: ქ. ფოთი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1927 წელს.

მისი პირველი ლექსები 1922 წელს გამოქვეყნდა გაზეთ "ბახტრიონში"; ლექსთა პირველი კრებული გამოიცა 1929 წელს. 1922 წელს იყო ფოთის გაზეთ "პონტოსის", 1924 წელს ბათუმის ჟურნალ "ისპირის" რედაქტორი; ვ. გაბესკირიას ლექსთა მომდევნო კრებულში(1939) შეპირისპირებულია ძველი და ახალი საქართველო, ხოლო 1949 წლის კრებულის ძირითადი თემაა მეორე მსოფლიო ომი. "ერთტომეულში" (1955) ლირიკული ლექსების გარდა შევიდა პოემები "ქეთევან წამებული", "შემთხვევა პიონერთა ბანაკში", "ნონია მესხი" და თარგმანები (ა. პუშკინი, მ. ლერმონტოვი, ნ. ნეკრასოვი, ა. მიცკევიჩი, ლესია უკრაინკა და სხვა). ქართულ სცენაზე წლების განმავლობაში იდგმებოდა მისი პიესები "ლაქაშებს შორის"(1929), "მათი ამბავი"(1938), "მარტოხელა" (1948-1949), "უფსკრულთან" (1953-1954), "გურიის მთები დაუთოვია"(1958), "შრიალებენ ვერხვები" (1960) და სხვ. სხვადასხვა დროს მუშაობდა გაზეთების: "წითელარმიელის", "ფუხარას", "მუშის" და "კომუნისტის რედაქციებში. იყო საქართველოს მწერალთა კავშირის დრამატული სექციის ხელმძღვანელი. 

წყარო: საქართველო: ენციკლოპედია: ტ.I.–თბ., 1997.–გვ.520; ქართველი პოეტები: ენციკლოპედია / შეადგინა ალექსანდრე ელერდაშვილმა.- თბ., 2021.- გვ. 73

• 1961 - საქართველოს ხელოვნების დამსახურებული მოღვაწე

• თხზულებანი (ავტორი) // ტ. 3 : წერილები და ნარკვევები. - თბილისი, მერანი, 1974. - 483გვ.
• თხზულებანი (ავტორი) // ტ. 2 : პიესები. - თბილისი, მერანი, 1973. - 435გვ.
• თხზულებანი (ავტორი) // ტ. 1 : ლექსები, დრამატული პოემა, თარგმანები. - თბილისი, მერანი, 1970. - 422გვ.
• ლექსები. დრამატული პოემა (ავტორი). - თბილისი, საბჭ. მწერალის გამ-ბა და სტ., 1948. - 144გვ.