კახა გაბუნია

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკუალტეტი 1986 წელს.

1985-2000წწ. - საქართველოს მეცნიერებათა აკადემიის არნოლდ ჩიქობავას სახელობის ენათმეცნიერების ინსტიტუტის უმცროსი, უფროსი, წამყვანი მეცნიერ-თანამშრომელი; 1993-1996წწ. - თბილისის სახელმწიფო უნივერსიტეტი, დოცენტი; 2001-2003წწ. - საქართველოს ენის სახელმწიფო პალატის მთავარი კონსულტანტი; 2003-2004წწ. - საქართველოს ენის სახელმწიფო პალატის ინფორმაციისა და ანალიზის სამმართველოს უფროსი; 2004-2007წწ. - საქართველოს განათლებისა და მეცნიერების სამინისტროს ეროვნული სასწავლო გეგმებისა და შეფასების ცენტრის ქართული ენისა და ლიტერატურის საგნობრივი ჯგუფის კოორდინატორი; 2005 წლიდან - კავშირ "სამოქალაქო ინტეგრაციისა და ეროვნებათშორისი ურთიერთობების ცენტრის" დამფუძნებელი, გამგეობის წევრი, ეთნიკურ უმცირესობათა ინტეგრაციის მიმართულებით 30-ზე მეტი საერთაშორისო პროექტის მონაწილე; 2007-2009წწ. – სახალხო დამცველის მთავარი მრჩეველი, სამოქალაქო განათლების ცენტრის ხელმძღვანელი; 2009-2013წწ. - საქართველოს მეცნიერებათა აკადემიის არნოლდ ჩიქობავას სახელობის ენათმეცნიერების ინსტიტუტის მთავარი მეცნიერ-თანამშრომელი; 2009 წლიდან - თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის ასოცირებული პროფესორი; 2010 წლიდან - თბილისის სახელმწიფო უნივერსიტეტის ქართულ ენაში მომზადების ერთწლიანი საგანმანათლებლო პროგრამის (აზერბაიჯანულენოვანთათვის, სომხურენოვანთათვის) ხელმძღვანელი; 2015 წლიდან - თბილისის სახელმწიფო უნივერსიტეტის მულტილინგვური განათლების საბაკალავრო პროგრამის ხელმძღვანელი, ენათმეცნიერი (მორფოლოგია, სინტაქსი, შედარებითი ენათმეცნიერება), სოციოლინგვისტი, მეორე ენის სწავლების ექსპერტი, მულტილინგვური განათლების ექსპერტი. ფილოლოგიის მეცნიერებათა დოქტორი (1998), პროფესორი.

სადოქტორო დისერტაციის თემა - "ბრუნვათა სისტემები ქართველურ ენებში: (დიაქრონიული ანალიზი)", დაიცვა 1998 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.456; თბილისის სახელმწიფო უნივერსიტეტი: old.tsu.ge

• არასამთავრებო ორგანიზაციის ''ენა და ეროვნულ-კულტურული მემკვიდრეობა და მსოფლიო გლობალიზაციის პროცესი'', თავმჯდომარე
• ბესარიონ ჯორბენაძის საზოგადოება, წევრი (1996-)

• დედამიწის კალენდარი: ქართული ენის სამეტყველო ფუნქციები (კითხვა/წერა/მოსმენა/ლაპარაკი) : ქართულ ენაში მომზადების პროგრამის სტუდენტებისათვის: ქართული ენისა და სამოქალაქო განათლების ინტეგრირებული სწავლებისათვის (თანაავტორი). - თბილისი, უნივერსალი, 2017. - 330გვ. . - ISBN: 9789941261121
• მარტივი წინადადების ანალიზის პრინციპები თანამედროვე ქართულში (ავტორი). - თბილისი, სამოქალაქო ინტეგრაციისა და ეროვნებათშორისი ურთიერთობების ცენტრი, 2016. - 232გვ. . - ISBN: 9789941085543
• ენის შეფასება და ტესტირება : (დამხმ. სახელმძღვ. მასწავლებლებისთვის) (თანაავტორი). - თბილისი, საიმედო, 2011. - 239გვ.. - ISBN: 9789941040900
• ბრუნვათა სისტემები ქართველურ ენებში : დიაქრონიული ანალიზი (ავტორი). - თბილისი, საიმედო, 2007. - 208გვ.. - ISBN: 978-99928-0-161-1
• ზმნისართის წარმოება და ფუნქციები ქართველურ ენებში (ავტორი). - თბილისი, მეცნიერება, 1993. - 176გვ.. - ISBN: 5-520-01502-3