ლევან გავაშელი

დაბადების ადგილი: სოფელი ღები, ონის რაიონი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 1976 წელს.

მუშაობა დაიწყო სამთო მექანიკის სამეცნიერო-კვლევით ინსტიტუტში უმცროს მეცნიერ-თანამშრომელად; 1981 წლიდან - უფროსი მეცნიერ-თანამშრომელი. მისი სამეცნიერო მოღვაწეობის ძირითადი თემატიკაა არაწრფივი მექანიკა. მის შრომებში საფუძველი ჩაეყარა ახალ მიმართულებას არაწრფივ მექანიკაში, კერძოდ, განაწილებულ პარამეტრებიანი არაწრფივი მექანიკური სისტემების შემთხვევითი პროცესების კვლევას; ინტენსიურად მუშაობს თერმას დიდი თეორემის საკითხზე. მიღებული აქვს რუსეთის ფედერაციის "შრომის დიდების" ნიშანი (1997). ტექნიკის მეცნიერებათა დოქტორი (1991), პროფესორი (2003).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.194

• გაეროს საზოგადოებრივი ინფორმაციის დეპარტამენტთან ასოცირებული ეკოლოგიისა და სიცოცხლისუნარიანობის უსაფრთხოების მეცნიერებათა საერთაშორისო აკადემია, ნამდვილი წევრი, საქართველოს განყოფილების ხემძღვანელი (2002-)

• 2014 - არჩილ ძიძიგურის სახელობის პრემია

• არაწრფივი მექანიკური სისტემების ვიბრაციული პროცესების ანალიზი და ტექნიკური დიაგნოსტიკის მეთოდოლოგია (თანაავტორი). - თბილისი, ლეგა, 2012. - 304გვ.. - ISBN: 9789941919169
• Теория виброзащиты нелинейных механических систем (ავტორი). - Тбилиси, Мецниереба, 2006. - 272с.. - ISBN: 9994087037