ნიკოლოზ გალუსტოვი

დაბადების ადგილი: ქ. თბილისი.

სწავლობდა თბილისის კათოლიკეთა საეკლესიო სკოლაში.

მუშაობდა მადერის ასოთჩამომსხმელ ქარხანაში. 1882 წლიდან სიცოცხლის ბოლომდე იყო ერთ-ერთი საუკეთესო მოკარნახე (სუფლიორი). მან თავისი მოღვაწეობით ქართულ სცენას და დამწყებ მსახიობებს დიდი ამაგი დასდო. ხანდახან გამოდიოდა სცენაზეც, თამაშობდა სახასიათო როლებს-ვაჭრებს, კინტოებს და სხვ. ზაფხულობით სცენისმოყვარულთა დასთან ერთად საქართველოს სოფლებში მართავდა წარმოდგენებს. დაწერა პიესა "არკადიას სადილი"- სცენები ვაჭართა ცხოვრებიდან, 3 მოქმედებად, რომლის წარმოდგენამაც თბილისის ქარვასლის ნოქრებში დიდი ვნებათაღელვა გამოიწვია, სპექტაკლი რამდენჯერმე დაიდგა, გალექსა ნ. იტრიევმა. ნიკოლოზ გალუსტოვმა ქართულად გადმოაკეთა 15-მდე კომედია, ვოდევილი და ფარსი: "ავტორი თეატრში არ გახლავთ", "ორი სილა ანუ ცოლ-ქმრობის ყვავილები", "ბოშა ქალი ზანდა", ალ. კრილოვის "დათვმა დააქორწინა", "დუელი", "ომი ინგლისელებისა ბურებთან", "რეგვენი საქმეს წაახდენს-ფათერაკს დააბრალებსო!", როვეტის "უპატიოსნონი არ იბადებიან", "საშინელი შურისძიება", "ქლიავი", "ყვავები", "შიშს დიდი თვალები აქვს", "ჩენი თეატრის დედა-ბოძნი", "ხაფანგი" და სხვ. ქართველი კათოლიკე, მოკარნახე.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.482

• არკადოს სადილი : სცენები ჩვენი ვაჭრების ცხოვრებიდან სამს სურათად (ავტორი). - თბილისი, ძმ. თავართქილაძეების სტ., 1903. - 32გვ.