ნიკოლოზ გამრეკელი

მონაწილეობდა სხვადასხვა საზოგადო საქმეში: უძღვებოდა ქუთაისის თეატრის შემოსავალ-გასავლის საქმეს, კოტე მესხთან ერთად, ქუთაისში ქართული წარმოდგენების რეგულარული სეზონის გამართვის მიზნით, ერთ-ერთი სახელმწიფო პავილიონი თეატრალურ დარბაზად გადააკეთა, რომელიც 1894 წლის ხანძრის დროს დაიწვა. ამ სცენაზე გამოვიდნენ პირველად ნინო ჩხეიძე, შალვა დადიანი, ვ. ბალანჩივაძე, დ. ჩხარკვიანი და სხვ. ნიკოლოზ გამრეკელი წერდა ქართველი პატრების, ისტორიული, ეკონომიკური, სააღმშენებლო და სხვა საკითხების შესახებ. მკვლევართა დახასიათებით, ნიკოლოზ გამრეკელის ნაშრომი "ალღუზიანი" საყურადღებო მასალაა საქართველოს წარსულის ზოგიერთი საკითხის გასაცნობად. მისი აზრით, სიტყვათა ლექსიკონი წარმომდგარია ლექსთა კონიდან და ევროპელ ხალხთა შორის ქართველ პატრთაგან შეტანილ-გავრცელებულია შუა საუკუნეებში.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.489

• ალღუზიანი : პოემა (ავტორი). - თბილისი, არ. კალანდაძის სტ., 1885. - 65გვ.
• ეგვიპტელები საქართველოში და ქართველები ეგვიპტეში (ავტორი). - თბილისი, ნიკოლოზ გამრეკელის გამოცემა, 1885. - 48გვ.