ამბერკი გაჩეჩილაძე

დაბადების ადგილი: საჩხერის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1938 წელს. 

1947 წლიდან შ. რუსთაველის სახელობის ქართული ლიტერატურის ისტორიის ინსტიტუტის უფროსი მეცნიერ-თანამშრომელი. 1940-1955წწ. ხელმძღვანელობდა ქართული ენისა და ლიტერატურის კათედრას ი. გოგებაშვილის სახელობის თელავის პედაგოგიურ ინსტიტუტში. კითხულობდა ქართული ლიტერატურის ისტორიისა და ლიტერატურის თეორიის კურსს, პარალელურად ლექციებს კითხულობდა ა. პუშკინის სახელობის პედაგოგიურ ინსტიტუტში. უმთავრესად იკვლევდა ახალი ქართული ლიტერატურის ისტორიის საკითხებს. მას ეკუთვნის მონოგრაფია "აკაკი წერეთლის ცხოვრება და შემოქმედება", (ბოლო გამოცემა. 1966), "ნარკვევები XIX საუკუნის ქართული დრამატურგიისა და თეატრის ისტორიიდან" (I-II, 1957-1963), "ნარკვევები XIX საუკუნის ქართული ლიტერატურის ისტორიიდან" (1952), ნარკვევები ქართულ-რუსულ და უკრაინულ-ქართული ლიტერატურის ურთიერთობიდან. შეკრიბა და გამოსცა ქართული ხალხური პროზის ნიმუშები (კრებული "ქართული ზეპირსიტყვიერება", 1966). ფილოლოგიის მეცნიერების დოქტორი (1963). 

სადოქტორო დისერტაციის თემა - "მეცხრამეტე საუკუნის ქართული დრამატურგია", დაიცვა 1963 წელს.

წყარო: ქართული საბჭოთა ენციკლოპედია: ტ.3-თბ., 1977.-გვ.23; მწერალთა ავტობიოგრაფიები. წ. 2/გიორგი ლეონიძის სახ. ქართ. ლიტ. მუზეუმი. -თბ., 2013. -გვ.250; საქართველოს მეცნიერებათა ეროვნული აკადემია: georgianencyclopedia.ge

• 1969 - საქართველოს მეცნიერებათა დამსახურებული მოღვაწე

• ლიტერატურული ძიებანი : წერილები (ავტორი). - თბილისი, საბჭ. საქართველო, 1988. - 145გვ.
• ნარკვევები XIX საუკუნის ქართული დრამატურგიისა და თეატრის ისტორიიდან (ავტორი). - თბილისი, ხელოვნება, 1957. - 350გვ.
• ბრძოლა რეალიზმის დამკვიდრებისათვის XIX საუკუნის ქართულ ლიტერატურაში (ავტორი). - თბილისი, საქ. სსრ მეცნ. აკად. გამ-ბა, 1957. - 152გვ.
• აკაკი წერეთელი : ცხოვრება და მოღვაწეობა (ავტორი). - თბილისი, საბლიტგამი, 1949. - 172გვ.
• გიორგი ერისთავის დრამატურგია (ავტორი). - თბილისი, საბლიტგამი, 1945. - 162გვ.