კარლო გეგელაშვილი

დაბადების ადგილი: სოფელი კურსები, ტყიბულის ზონა.

დაამთავრა თბილისის სამედიცინო ინსტიტუტი.

1948-1956 წლებში მუშაობდა ამავე ინსტიტუტის ნერვულ სნეულებათა კათედრაზე. ერთდროულად იყო საქართველოს სამედიცინო გამომცემლობის რედაქტორ-კონსულტანტი, ჟურნალ "საბჭოთა მედიცინის" პასუხისმგებელი მდივანი (1957-1961), პირველი ქართული სამედიცინო გაზეთის "სახალხო ჯანმრთელობის" დაარსების ორგანიზატორი და რედაქტორი (1967-1969). მუშაობდა კლინიკური და ექსპერიმენტული ნევროლოგიის სამეცნიერო-კვლევითი ინსტიტუტის  სწავლულ მდივნად, ნეიროჰისტოფიზიოლოგიური ლაბორატორიის ხელმძღვანელად, დირექტორის მოადგილედ სამეცნიერო დარგში (1958-1987). ერთდროულად იყო საქართველოს ჯანდაცვის მინისტრის მოადგილე (1973-1985), 1987 წელს ამავე სამინისტროს მთავარი სპეციალისტი. ქსე-ს მედიცინის რედაქციის სექციის თავმჯდომარე. იგი იკვლევდა ნევროლოგიის, ნეიროციტოქიმიის, ჯანდაცვის ორგანიზაციის საკითხებს. ავტორია მრავალი სამეცნიერო-პუბლიცისტური სტატიისა. მიღებული აქვს სახელმწიფო ჯილდოები. მედიცინის მეცნიერებათა დოქტორი (1971), ჯანმრთელობის დაცვის ორგანიზატორი, ნევროლოგი.

წყარო: საქართველო: ენციკლოპედია: ტ.I.–თბ., 1997. გვ.570

• 1984 - საქართველოს დამსახურებული ექიმი

• თანამედროვე მედიცინა: სოციალურ-ჰიგიენური, საზოგადოებრივ-ეთიკური და სოციალურ-ეკონომიკური პრობლემები (ავტორი). - თბილისი, საბჭ.საქართველო, 1987. - 270გვ.
• დისპანსერიზაცია - დაავადებათა პროფილაქტიკის საიმედო მეთოდი : ლექტორის დასახმარებლად (ავტორი). - თბილისი, საქ. კპ ცკ-ის გამ-ბა, 1985. - 32გვ.
• დისპანზერიზაცია : სამედიცინო ორგანიზაც. და სოც.-ეკონომ. ასპექტები (ავტორი). - თბილისი, განათლება, 1984. - 262გვ.
• ნეირონი : ჰისტოფიზიოლოგიური და ჰისტოპათოლოგიური ნარკვევი (ავტორი). - თბილისი, საბჭ.საქართველო, 1976. - 242გვ.