ივანე გიგინეიშვილი

დაბადების ადგილი: ქ. ქუთაისი.

მოღვაწეობდა თბილისის სხვადასხვა უმაღლეს სასწავლებელში: პუშკინის სახელობის სახელმწიფო პედაგოგიურ ინსტიტუტში, საქართველოს თეატრალურ ინსტიტუტში, თბილისის სახელმწიფო უნივერსიტეტში -კითხულობდა ქართული ენის კურსს, აგრეთვე სპეციალურ კურსს "ვეფხისტყაოსნის ენა"; 1950–1966წწ. იყო საქართველოს მეცნიერებათა აკადემიის ენათმეცნიერების ინსტიტუტის დირექტორის მოადგილე; 1951–1982წწ. "საქართველოს მეცნიერებათა აკადემიის მოამბის" მთავარი რედაქტორის მოადგილე; 1973–1982წწ. ქართული ენციკლოპედიის სატრანსკრიფციო ჯგუფის ხელმძღვანელი; 1966 წლიდან უძღვებოდა ენათმეცნიერების ინსტიტუტის თანამედროვე ქართული სალიტერატურო ენის ნორმათა განყოფილების სამეცნიერო და პრაქტიკულ მუშაობას; ერთ–ერთმა პირველმა, ჩაუყარა საფუძველი ჩვენში ლინგვოსტილისტიკას; შეიმუშავა უცხო პირთა სახელების ქართულად გადმოცემის მეცნიერული პრინციპები; შეისწავლა ქართული ენის დიალექტები; ეწეოდა ფართო ლექსიკოგრაფიულ მუშაობას; გამოსცა ქართული ლიტერატურის ძეგლთა ლექსიკონები: "რუსუდანიანი" (1957), "დავითიანი" (1955, 1980), ვრცელი ორთოგრაფიული ლექსიკონი (1968); 1950–1964წწ. მონაწილეობდა "ქართული ენის განმარტებითი ლექსიკონის" მომზადებაში.

წყარო: ქართული საბჭოთა ენციკლოპედია: ტ.3.-თბ.,1979.-გვ.152

• მეცნიერებათა აკადემიის პრეზიდიუმთან არსებული თანამედროვე ქართული სალიტერატურო ენის ნორმათა დამდგენი კომისია, წევრი, მდივანი (1946-1953)
• საქართველოს მეცნიერებათა აკადემია, წევრ-კორესპონდენტი (1979-)
• საქართველოს მინისტრთა საბჭოსთან არსებული თანამედროვე ქართული სალიტერატურო ენის ნორმათა დამდგენი მუდმივი სახელმწიფო კომისია, წევრი, მდივანი
• საქართველოს უმაღლესი საბჭოს პრეზიდიუმთან არსებული თანამედროვე ქართული სალიტერატურო ენის ნორმათა დამდგენი მუდმივი სახელმწიფო კომისია, წევრი, მდივანი (-1982)

• 1971 - საქართველოს სახელმწიფო პრემია

• გამოკვლევები "ვეფხისტყაოსნის" ენის და ტექსტის კრიტიკის საკითხების შესახებ (ავტორი). - თბილისი, მეცნიერება, 1975. - 427გვ.