ირაკლი გოგუაძე

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტი 1954 წელს.

1954-1956წწ. მუშაობდა დასავლეთ საქართველოს "ნავთობ-საძიებო სამმართველოში" მბურღავის მოადგილედ, ბურღვის ინჟინრად; 1956-1987წწ. საქართველოს პოლიტექნიკური ინსტიტუტის "ნავთობისა და გაზის საბადოების გეოლოგიისა და ბურღვის" კათედრაზე ლაბორანტი, შემდეგ ასისტენტი, დოცენტი, პროფესორი; 1987 წელს ჩამოაყალიბა "ჭაბურღილების ბურღვის ტექნიკისა და ტექნოლოგიის" კათედრა და მას შემდეგ მისი ხელმძღვანელია. მისი სამეცნიერო მოღვაწეობის სფეროს განეკუთვნება: ნავთობისა და გაზის ჭაბურღილების ბურღვის ტექნიკა და ტექნოლოგია; საწარმოო პროცესების ავტომატიზაცია და მართვის ტექნიკური საშუალებები; სტატიკური და დინამიკური სისტემების ანალიზი და სინთეზი; დარგის ელექტრომომარაგება და ექსპლუატაცია; წრფივი და არაწრფივი სისტემების მოდელირება და იდენტოფიკაცია. ფიზიკა-მათემატიკის აკადემიური დოქტორი. ნავთობისა და გაზის ინოვაციური ტექნიკისა და ტექნოლოგიების ცენტრის ხელმძღვანელი; ნავთობის მრეწველობის საერთაშორისო ექსპერტი; საერთაშორისო სამეცნიერო-ტექნიკურ საინფორმაციო-ანალიტიკური, რეფერირებული ჟურნალის "საქართველოს ნავთობისა და გაზის" დამფუძნებელი და მთავარი რედაქტორი; 160-დე სამეცნიერო შრომის ავტორი, მათ შორის 10 სახელმძღვანელოს, დამხმარე სახელმძღვანელოს და 2 მონოგრაფიის. შრომები გამოქვეყნებული აქვს ქართულ, რუსულ და ინგლისურ ენებზე.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ.86-87

• საქართველოს საინჟინრო აკადემია, საპატიო აკადემიკოსი

• მაგისტრალური ნავთობსადენები, გაზსადენები და მიწისქვეშა გაზსაცავები : (დაპროექტება, მშენებლობა და ექსპლუატაცია) (თანაავტორი). - თბილისი, ტექ. უნ-ტი, 2009. - 651გვ.. - ISBN: 9789941142949
• მაგისტრალური ნავთობგაზსადენების, გაზსაცავების და სუფსის ტერმინალის მართვის ავტომატიზაცია : დამხმარე სახელმძღვანელო (თანაავტორი). - თბილისი, ტექ. უნ-ტი, 2006. - 237გვ.. - ISBN: 9994009559
• ნავთობისა და გაზის ჭაბურღილების ბურღვის ტექნიკა და ტექნოლოგია : სახელმძღვანელო (ავტორი) // ნაწ. 1. - თბილისი, ტექ. უნ-ტი, 2004. - 523გვ,
• ნავთობისა და გაზის ჭაბურღილების ბურღვის ტექნიკა და ტექნოლოგია : სახელმძღვანელო (ავტორი) // ნაწ. 2. - თბილისი, ტექ. უნ-ტი, 2004. - 457გვ.
• ექსპერიმენტის დაგეგმვა და მათემატიკური მოდელირება : ნავთობისა და გაზის მრეწველობაში (ავტორი). - თბილისი, ტექ. უნ-ტი, 2003. - 332გვ.