ივანე გომართელი

დაბადები ადგილი: სოფელი გორისა, საჩხერის რაიონი.

დაამთავრა მოსკოვის უნივერსიტეტის სამედიცინო ფაკულტეტი 1899 წელს.

1900-იდან მუშაობდა ექიმად სოფ. ჯიხაიშსა და გორისაში, შემდეგ ქუთაისში. 1901 წლიდან პერიოდულ პრესაში სისტემატურად აქვეყნებდა სტატიებს სამედიცინო საკითხებზე. იყო "მესამე დასის" წევრი, მენშევიკ-ავტონომისტი, "ალიონელი". თანამშრომლობდა ჟურნალ "მოგზაურთან". 1907 წლიდან სამუშაოდ გადავიდა თბილისში. 1910 წელს დააპატიმრეს და ერთი წელი მეტეხის ციხეში იმყოფებოდა. დემოკრატიული რესპუბლიკის წლებში იყო საქართველოს ეროვნული საბჭოს, პარლამენტისა და დამფუძნებელი კრების წევრი. საქართველოში საბჭოთა ხელისუფლების დამყარების შემდეგ ეწეოდა ლიტერატურულ მოღვაწეობას და საექიმო პრაქტიკას. აღსანიშნავია მისი პიესები: "ქოხში" (1905), "წამხდარი სისხლი" (1905), რომანი-ქრონიკა "სამი დროება" (1931), კრიტიკული წერილები ნ. ბარათაშვილის, რ. ერისთავის, მ. გურულის, დ. კლდიაშვილის და სხვათა შესახებ. 

წყარო: საქართველო : ენციკლოპედია: georgianencyclopedia.ge; საქართველოს დემოკრატიული რესპუბლიკა (1918-1921): ენციკლოპედია -ლექსიკონი. -თბ., 2018.-გვ. 101

• პირველი სახელმწიფო სათათბირო, დეპუტატი ქუთაისის გუბერნიიდან (1906-)
• ქართველთა შორის წერა-კითხვის გამავრცელებელი საზოგადოების გამგეობა, წევრი (1902-)

• კონსტანტინე დიმიტრის ძე ყიფიანი : 45 წლის მოღვაწეობის იუბილეს სახსოვრად 1868-1914 ბიოგრაფია (ავტორი). - თბილისი, ქართ. და დრამატ. საზ-ის გამოც, 1914. - 68გვ.
• ადამიანის ნება და ზნეობა : უცხო სიტყვათა განმარტებით (ავტორი). - თბილისი, ამხანაგობა "ალიონის" გამოცემა , 1911. - 96გვ.
• ტვინი და სული (ავტორი). - თბილისი, ამხ. "სორაპანი"-ს გამოც, 1908. - 32გვ.
• ეროვნული საკითხი (ავტორი). - თბილისი, "სხივის" ამხანაგობის გამოცემა, 1906. - 56გვ.
• შილლერის პოეზიის ძირითადი თვისებანი (ავტორი). - თბილისი, გამოცემა "მუშა"-, 1905. - 80გვ.
• ჯუზეპე გარიბალდი (ავტორი). - თბილისი, "სხივი"-ს ამხანაგობის გამოცემა, 1905. - 48გვ.
• ქოხში : სცენები სოფლის ცხოვრებიდან (ავტორი). - თბილისი, ი. გომართელისა, 1905. - 112გვ.