ვიქტორ გუჩუა

დაბადების ადგილი: სოფელი ფახულანი, ახლანდელი წალენჯიხის მუნიციპალიტეტი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1940 წელს.

1941-1945წწ. მონაწილეობდა II მსოფლიო ომში; 1945-1960წწ. მუშაობდა საშუალო სკოლის დირექტორად წალენჯიხის და ზუგდიდის რაიონებში; 1960 წლიდან იყო ივანე ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტის უფროსი მეცნიერი თანამშრომელი. ამავდროულად, 1969 წლიდან მუშაობდა "ქართული საბჭოთა ენციკლოპედიის" საქართველოს ისტორიის რედაქციის მეცნიერ-კონსულტანტად, შემდეგ - გამგედ; იკვლევდა საქართველოს სოციალურ-ეკონომიკური, პოლიტიკური და კულტურის ისტორიის, ისტორიოგრაფიისა და ქრონოლოგიის საკითხებს; გამოქვეყნებული აქვს 50-ზე მეტი სამეცნიერო სტატია, მონოგრაფია, სახელმძღვანელო; არის "საქართველოს ისტორიის ნარკვევების" IV ტომის ერთ-ერთი ძირითადი ავტორი, აგრეთვე III ტომის რედაქტორი ზურაბ ანჩაბაძესთან ერთად (1982 წელს ავტორთა კოლექტივთან ერთად მიენიჭა საქართველოს სახელმწიფო პრემია); ისტორიის მეცნიერებათა დოქტორი (1983).

წყარო: საქართველო : ენცოიკლოპედია: ტ. 2. - თბ., 2012. -გვ. 235; ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 29-30

• 1982 - საქართველოს სახელმწიფო პრემია
• ივანე ჯავახიშვილის საიუბილეო მედალი
• მედალი "საბრძოლო მამაცობისთვის"

• საქართველოს ისტორიის ნარკვევები : საქართველო XI-XV საუკუნეებში (თანაავტორი) // ტ.3 . - თბილისი, მეცნიერება, 1979. - 890 გვ.
• გადავხედოთ წარსულს : ქართველი ხალხის თავდაცვითი ბრძოლები ძველი წელთაღრიცხვის პირველი საუკუნიდან ახალი წელთაღრიცხვის მეათე საუკუნემდე (ავტორი). - თბილისი, ნაკადული, 1967. - 125გვ.
• საქართველოში სოციალისტური ურთიერთობის ისტორიიდან : რეფორმის შემდეგდროინდელი ხანა. ნარკვევები (თანაავტორი). - თბილისი, მეცნიერება, 1967. - 217გვ.
• საქართველოს ისტორია : მე-7-8 კლასების დამხმ. სახელმძღვ. (თანაავტორი). - თბილისი, ცოდნა, 1964. - 204გვ.